یانەیا پەروەردەیێ بۆ وەرزشا قوتابخانەیان چ كرییە؟
حاجی دۆسكی
سەركەفتنا یانەیا پەروەردە بۆ خولا پلا ئێك یا كوردستانێ پێنگاڤەكا گرنگە بو مێژوویا یانەیێ، د هەمان دەمدا ئەف سەركەفتنە پرسیارەكا گرنك دئینیتە پێش، ئەرێ ئەرك و ئارمانجا راستەقینە یا یانەیا پەروەردێ چیە؟ پەیوەندیا وێ دگەل وەرزشا قوتابخانا چەوایە؟ وەكۆ یا دیار یانە بناڤی ل سەر وەرزارەتا پەروەردێ ڤە یە ئەرێ قوتابی و قوتابخانە ولاوێن وەرزشكار دێ پشكەكا سەرەكی بن ژ پروژەیێ دامەراندنا ڤێ یانەیێ! ئەف یانە دێ مفای ژ یاریزانێن تەمەن بچووك وەرگرن؟ گەلەك خودان بەهرەنە ب رێكا تیمێن ب ئاستێ لاوان و پێگەهشتی، پرسیارەكا دی دهێتە پێش ئایە یانەیا پەروەردێ پەیوەندیەكا ڕاستەقینە دگەل وەرزشا قوتابخانا هەیە یان تنێ یانەكە ب ناڤ گریدای وەزارەتەكا گەلەك گرنك هەیە ئەوژی وەرزارەتا پەروەردی كو خودان هزاران قوتابخانە یە هژمارەكا مەزن یا قوتابیان بخوڤە دگریت، دڤێت قوتابخانانە ببیتە ژێدەرەكێ سەرەكی یێ یانەیێ، هەر د گەڤن دا گەلەك وەرزشڤانێن ناڤودەنك ل قوتابخانا دیار بووینە وەكۆ دەستپێكەكا پاش بەر ب یانەیان چووینە، پێدڤی یە ڤەكولینەكا باش بهێتە كرن لسەر پەیوەندی دناڤبەرا یانەیێ و قوتابخانان دا وقوتابی وەرزشكار پێدڤی ژینگەها باش هەیە ل قوتابخانی، ماموستایێ پەروەدا وەرزشی پێدڤی یە گرنگییەكا تایبەت دەت ب بەهرەیا قوتابی پێشبركی هەبن ل سەر ئاستێ قوتابخانێ هەتا یاریزانێن خودان بەهرە بگەهنە یانا پەروەردێ هەر چەندە زور ئاستەنگ هەنە رێكا ماموستایێ وەرزشی دا ژ نەبوونا كەلوپەلین وەرزشی یێن فەر یان قوتابخانە ل سەنتەرێ دهوكێ هەیە بێ گورەپانە تنێ چار گوشەك بناڤێ گورەپانێ دروست كریە، یا سەیر فروشگەها قوتابخانێ ژی ل نیڤا ڤێ چارگوشێ دروست كریە ئەف ئێك ئاستەنگانە بۆ گوتنا وانا وەرزشێ، وەكۆ بووچوون وەرزش ل قوتابخانا پێدڤێ پتر گرنگی پێ هاتبا دان، دبیت سەركەڤنا یانەیا پەروەردی بۆ دە ستەیەكێ گەلەك یا باش بیت لێ نا بینم مفایی خۆ هەبیت بۆ وەرزشا قوتابخانا وەرزش ل قوتابخانا بنەمایێ سەرەكی هەر وەرزشەكا سەركەفتی یە، ئەگەر یانەیا پەروەردی گەهیتە كیژ پلێ وەرزش ل قوتابخانا یا لاواز بیت هیچ مفایی خۆ نابیت ئەگەر وەزارەتا پەروەردی حەزا باشكرنا وەرزشێ هەیە بلا گرنگیێ ب ماموستایێن وەرزشی بدەت هەروسا پێدڤیێن فەر بۆ دابینبكەت نابینم هەبوونا یانەیەكی مفایی بگەهینتە وەرزشی ل قوتابخانی ئێدی بویە واقع قوتابخانا یانەك هەیە د خولا كوردستانێ دا دگەل ڤێ چەندێ دڤێت وەرزشێ ل قوتابخانا سەردەریەكا دی دگەل بهێتەكرن، ڤێ چەندێ ئەز بێژم نە بتنێ گوتنە بەلكو ژ نیزیك دبینم كا وەرزش ل قوتابخانا كیفە چوویە چەند یا سەركەفتیە ل دووڤ حەزا قوتابی یە یان بەروڤاژی.
