بالندۆرا جیهانی د ناڤبەرا هاری، لامین و مباپی دایە
ل دووڤ ڕاپۆرت و ئامارێن بەلاڤبووی دناڤا جادەیا وەرزشی دا هەردو ستێرێن بەرنیاس یێ ئنگلتەرایێ هاری كین هێرشبەرێ یانەیا بایرن میۆنخ یا ئەلمانی و یێ ئسپانی لامین یامال هێرشبەرێ یانەیا بەرشەلۆنا بەربژارێن سەرەكی نە بۆ ب دەستڤە ئینانا تەپا زێری یا وەرزێ 2026 Ballon d›Or دووڤدا یێ فرەنسی كێلیان مباپی هێرشبەرێ ڕیال مەدرید یا ئسپانی، ئەوا بڕیارە مەراسمێن ئاهنگا خەلاتكرنێ ل 26ێ ڤێ مەهێ ل پایتەختێ ئنگلتەرا لەندن بهێتە كرن.
ئامارێن هەردو یاریزانان
هاری كین، ل گەل هەلبژارتیێ ئنگلتەرا د مۆندیالا 2026ێ دا شیابوو شەش گۆلان تۆماربكەت و دەستكەڤتەكێ دیرۆكی بینن ئەوا هەر ژ مۆندیالا 1966ێ وەرە دووركەڤتین كو ڕێزا سێیێ هاتبوون، هەروەسان ل گەل بایرن میۆنخ دو ناسناڤێن ناڤخوە بدەستڤە ئینابوو، دیسان گۆلكەرێ خولێ ب 61 گۆلان بوو و خەلاتێ پێلاڤا زێری یا ئۆرۆپا وەرگرتبوو، ر.
لامین یامال، ئاستەكێ بەهرەمەندار ل گەل هەلبژارتێ وەلاتێ خوە ئسپانییا و بەر ب ناسناڤێ مۆندیالێ بریە، هەروەسان ل گەل یانەیا بەرشەلۆنا 24 گۆل تۆماركربوون و 18 پاسێن ئێكلاكەر، هەروەسان د41 گۆلان دا پاس داینە هەڤالێن خوە، خولا ئسپانیا و سۆپەرا ئسپانیا ل گەل بەرشەلۆنا ب دەستڤە ئینایە.
كێلیان مباپی
ئاستەكێ نایاب و گۆلكەرێ پیًشچاڤ تایبەت د مۆندیالا 2026ێ دابوو، ل گەل هەلبژارتیێ فرەنسا 10 گۆل ئینابوو و ببوو گۆلكەرێ مۆندیالێ و هەلبژارتیێ وەلاتێ وی بوو یێ دویێ، هەروەسان ل گەل ڕیال مەدرید 42 گۆل تۆماركرینە و بوو گۆلكەرێ خولێ.
