هەكە كۆپا كەنداڤی یا 28 ل كوردستانێ بهێتە كرن گەرەنتییا سەركەفتنێ مسۆگەرە
د داخویانیەكا رۆژنامەڤانی دا ئەمین فلیب شرۆڤەكارێ وەرزشی ل ئیراقێ داخواز ژ فدراسیۆنا فوتبۆلا ئیراقێ كر كۆپا كەنداڤی یا 28ێ ل ئێك ژ باژێرێن هەرێما كوردستانێ مێڤان بكەن و گەرەنتییا سەركەڤتنا مێڤانداریێ ب دیار كرنا چەند خالان مسۆگەر كریە.
زێدەتر ناڤهاتی گۆت: ل بیرا مەیە باژێرێ بەسرا كۆپا كەنداڤییا 25ێ ب سەركەڤتیانە مێڤان كربوو كو بوو جهێ شانازییا مە هەموویان، ژبەر ڕێكخستنەكا سەركەڤتی هەبوویە، لێ هەكە ئەم بەحس ل باژێرێن دی یێن ئیراقێ بكەین وەكو هەولێر، دهۆك، زاخۆ و سلێمانی، ب هەمان شێوە بەلكو باشتر دێ ڕێكخستن هەبیت هەكە كۆپا كەنداڤی یا 28ێ بۆ سالا بهێت ل كوردستانێ بهێتە كرن ب گەرەنتی دێ سەركەڤتنا وێ مسۆگەر بیت، ژبەر هەبوونا كۆمەكا خالێن گرنگ.
هەروەسان ئەمین فلیب گۆت: هەرێما كوردستانێ ژێرخانەیەكا سەركەڤتی هەیە، ب هەبوونا یاریگەهێن مۆدرێن ل سەر ئاستێ ئیراقێ، ئۆتێل و جهێن گەشت و گۆزاری، خارنگەهێن پێشكەڤتی، ڤەگوهاستنێن ڕێكوپێك، لەوما ژی داخوازێ ژ فدراسیۆنا فوتبۆلا ئیراقێ دكەم ئەڤێ دەلیڤێ ژ دەست نەدەن هەكە هزر د مێڤانداریكرنێ دا هەبیت، د باوەرێ د مە بادەكا پێشكێشكرنا مێڤانداریێ ئێكسەر دێ هێتە وەرگرتن.
