هەولێر دێ قارەمانییا NPC یا نێڤدەولەتی مێڤان كەت
ڕێڤەبەرییا گشتی یا وەرزشی ل هەرێما كوردستانێ ڕاگەهاند ب دەستپێكا سالا بهێت هەولێرا پایتەخت دێ مەزنترین قارەمانییا نێڤدەولەتی یا لەشجوانیێ مێڤان كەت كو هێتە هژمارتن ئێك ژ قارەمانیێن پەسەندكری ل سەر ئاستێ جیهانێ.
د داخویانیەكێ دا سەردار ئیسماعیل ڕێڤەبەرێ گشتی یێ وەرزشی دیاركر پرۆژەیێ مێڤانداریكرنا هەلێرا پایتەخت بۆ قارەمانییا نێڤدەولەتی NPC یا لەشجوانیێ ڕازیبوون ل سەر هاتیە كرن و پێشنیار هاتیە وەرگرتن ناڤیًَ مێڤاندارییا قارەمانیێ ببیتە ئەربیل پرۆ شۆ، ئەڤچەندە هات پشتی پێشوازییا رۆبن سێلڤستەر قارەمانێ هولەندی، هەروەسان خالد ئەلموحسناوی و ئەحمەد فەوزی قارەمانێن پێشتریێن ڤێ یاریێ كرین ژبۆ دانانا پلان و بەرنامە كو هاتییە پێشبینیكرن ل دەستپێكا سالا بهێت قارەمانی بهێتە ڕێكخستن.
هەروەسان گۆت: وەكو حوكمەتا هەرێما كوردستانێ دێ هەڤكاری و پشتەڤانییا لوجستی و كاروبارێن هونەری ژی بۆ ڤێ قارەمانیێ كەت، هەروەسان یا دشیان دا بیت دێ پشتەڤانبن پێخەمەت مێڤاندارییەكا سەركەفتی و ببیتە دیرۆكەك بۆ وەرزشا كوردستانێ، ئەڤ قارەمانییا بۆ یاریزانێن پیشەكارە ل سەر ئاستێ نێڤدەولەتی دێ بیتە كلیلكا پشكدارییا وان د ئۆلمپیادا جیهانی دا.
