سالـۆخەتێن ئـافـرەتـا سـەرکـردە چنە؟
زوهەیلا یووسف سلێڤانەی
ئافرەتا سەرکردە ئەو کەسایەتیە کو کاریگەر و خۆدان شیانە ل دەمێ پەیدابوونا قەیران و ئاریشەیان دا، ئافرەتا سەرکردە دەستپێشخەریێ دکت و ل دەمێ ئاریشە پەیدا دبن، کۆنترولا بارودۆخی دکەت و کاریگەریەکا ئەرێنی ل سەر دەوروبەرێن خوە هەیە، دزانیت دێ کەنگی پێنگاڤان هاڤێت و کار بۆ ئامانجێن دیارکری بکەت، ئافرەت دشێت هەمی قووناغێن ژیێ خوە ببیت سەرکردەیەکا سەرکەفتی بەلێ ئەزموون و سەربۆڕێن ژیانێ تێگەهشتنا وێ بەرەفرەهتر دکەت، ب ڕاستی مەرج ئافرەتەك تنێ خۆدانا پۆستەکێ مەزن یان ناڤەکێ بیت، دا ئەم بێژنێ سەرکردە، سەرکردایەتی پێگەهەك نینە بەلکو هەلوەست و شیان و کاریگەرییە، هندەك مەرج و سالۆخەتێن هەیین ئافرەتێ دکەنە سەرکردەیەکا راستەقینە، ژ وان ژی خۆدانا ئارمانجان، ئافرەتا سەرکردە ب رێکا خۆ ئارمانجێن خۆ دزانیت، نەکو بەس رۆژا خۆ دەربازدکەت، بەلکۆ پێشبینیا پاشەڕۆژێ دکەت، پلانان بۆ دادنیت، کاریگەری ژی ئەڤ ئافرەتە کەسێن دەوروبەرێن خۆ هانددەت بێ کو زۆرداریێ ل وان بکەت، دەما دئاخفیت کەسێن دەوروبەرێن وێ گوهداریێ بۆ دکەن، ژ بەرکو رێزەکا مەزن بۆ بیروبۆچوونێن وێ یا هەیی، دادپەروەری و پشتەڤانیکرنا کەسێن دی ئافرەتا سەرکردە هزرا خۆ، بتنێ ناکەت، بەلکو کاردکەت دا کەسێن دی ژی پێشبکەڤن ئە و دبینیت کو سەرکەفتنا کەسێن دی سەرکەفتنا وێ ب خۆیە و بەردەوام پشتەڤانییا هەڤکار و خێزانا خۆ دکەت دا پێشبکەڤن، خۆدان بەرپرساتی و بریاردان دەمێ بەرپرساتیا شاش ل سەر ملێن خۆ بینیت ئها ل ڤێرێ مەزنیا وێ دیاردبیت کو گەلەك زویکا ژ خەلەتیێن خۆ فێردبت، هەروەسا د دەمێن گرنگ دا بێ ترس بڕیارێن دروست ددەت، باوەری بخوە بوون و هێزا کەسایەتی سەرکردەیا سەرکەفتی باوەریەکا تەمام ب شیان و بریارێن خۆ هەیە، ئەڤە ژی ددەتە دیارکرن کو د هەلوەستان دا یا پێگیرە و سەقامگیرە، شیانێن وێ یێن ئاخفتنێ سەرنج راکێشکرنا مرۆڤێن دەوروبەر یا هەی ب ئاوایەکی هۆسا کو کەسێن دی ب خۆبەخشی د گەل دا کاردکەن، ژیرمەندی، د رەوشێن هەستیار و د ژواردا، دشێت ب هشیاری بریارێن دروست بدەت و سەرکردایەتییا ئاراستەیەکێ بکەت، ئاریشەیان وەکی دەلیڤە بینیت ب رێکا پلاندانانا دروست چارەسەریان بۆ پەیدا بکەت، د بەرامبەر نەخۆشیان و ئاستەنگان دا دەستبەرداری ئارمانجێن خۆ نابیت، بەلکی بهێزتر ڤەدگەریت، جهێ کارکرنێ و دەڤەرا پێشەسازی ئافرەتا سەرکردە ل جهێ کارکرنێ ژینگەهەکا کاری یا ئارام دوور ژترسێ دروست دکەت بۆ وان کەسێن د گەل دا هێزا وان بلند دکەت وان ژی ل گەل خۆ پێش دئێخیت، رۆلێ وێ پێشکەفتنا جڤاکی و گهۆرینێ دا ئافرەتا سەرکردە د جڤاکی دا، دەنگێ خۆ بلندکەت بۆ دادپەروەریێ و مافێن مرۆڤی و پێشکەفتنا گشتی و شکاندنا ئاستەنگان ب سەرکەفتنێن خۆ رێخۆشکەرەکە بۆ نفشێن داهاتی و سەلماندنا وێ چەندێ کو سەرکردایەتی نە یاتایبەتە ب رەگەزەکێ دیارکری ڤە، بەلکی پێشبەستنێ ب شیانێن مرۆڤی دکەت، ئافرەتا سەرکردە رێکا ناگەریت، بەلکو ئەو ب خۆ رێکا خۆ دروست دکەت ئەو ب هەبوونا خۆ هێزێ ددەتە کچێن پاشەرۆژێ کو ب کارێن خۆ ئاراستەیێ جیهانێ بگوهۆرن .
* چالاکڤان دبوارێ ئافرە تان دا