رۆژهات ستار: هەکە پشته‌ڤانی بهێته‌كرن دێ خولێ ب ده‌ستخوە ڤه ئینین
تاهر رێكانی
د داخۆیانیه‌كێ دا كورێ باژێرێ زاخۆ و یاریزانێ یانه‌یا گاره دیاركر یاریزانێن وان هه‌می خۆدان شیانن سەرباری تیمێن بهێز د خولێ دا پشكدارن لێ ب هیچ یانەیەکێ خۆ کێمتر نابینن، ئەڤچەندە هات ل سەر پشکدارییا تیما وان خولا نایابا کوردستانێ دا.
زێدەتر ناڤهاتی گۆت: مه باوه‌ریه‌كا مه‌زن ب خۆ هه‌یه كو دێ شێین هه‌ڤڕكییێ لسه‌ر ناسناڤێ خولا هه‌رێمێ كه‌ین، ژبه‌ر خه‌مخۆری و حه‌ژێكرنا من بۆ ڤێ یاریێ و یانه‌یێ رۆژانه دگه‌ل دو هه‌ڤالێن خۆ لسه‌ر كیستێ خۆ ژ زاخۆ دهێته دهۆكێ بۆ ئه‌نجامدانا ڕاهێنانان، ئه‌م هه‌می یاریزان و گه‌نجێن ده‌ڤه‌رێ ب ئۆمێدین تشته‌كێ باش بۆ ڤێ تیمێ بكه‌ین، یێ ڤێ هه‌میێ دكه‌ین بێی به‌رامبه‌ر و مه چ هاریكاریێن دارایێ و مه‌عنه‌وی نینن ل وێ باوه‌رێ نە ئه‌گه‌ر تشته‌ك بۆ مه بهێته‌كرن دێ تیما مه بیته خۆدانا باشترین یاریزانان چونكه هه‌موو گه‌نجن.
لدووماهیێ رۆژهات ستار گۆت: راهێنه‌رێن مه گه‌له‌ك بزاڤان دكه‌ن رۆژه‌ك بهێت هاریكاریه‌كێ ژ لایه‌نه‌كێ بۆ ڤێ تیمێ په‌یدا بكه‌ن داكو بشێن به‌رده‌وامیێ بده‌ینه یاریێن خول و قاره‌مانیێ داهاتی، ل دهۆكێ یاریزانێن باش یێن یاریا باسكێت بۆلێ یێن هه‌ین و تنێ پێدڤی ب پشته‌ڤانیێ نه، ئێك خۆ لێ بكه‌ته خۆدان گۆمان تێدا نینه دێ دبێ هه‌ڤرك بن، له‌وا هیڤیدارم ژ لایه‌نێن په‌یوه‌ندیدار خۆ لڤان یاریزانان بكه‌نه خۆدان داكو شیانێن وان ب هه‌روه نه‌چن.