خه‌لكێ دهۆكێ خرڤه‌بوونه‌ك بۆ پشته‌ڤانیكرنا مهابادێ سازكر
ئه‌ڤرۆ نیوز، ڤه‌ده‌ر ره‌شاڤایى
ژبۆ نیشاندانا پشته‌ڤانییا خوه بۆ مهابادێ و رۆژهه‌لاتا كوردستانێ ژماره‌كا خه‌لكێ دهوكێ ژ ره‌وشه‌نبیر و چه‌ند به‌رپرسێن حكومی خرڤه‌بوونه‌ك ل به‌رده‌رێ پاركا ئازادی پێكئینا.
درۆشمێ (فه‌ریناز ب ئارامی بنڤه ئه‌م ناهێلین خوینا ته بهه‌روه بچیت) هاته بلند كرن دگه‌ل چه‌ندین درۆشمێن دی بۆ ئیدانه‌كرنا كریارێن حكومه‌تا ئیرانێ و داخاز هاته‌كرن رژێما ئیرانێ بزووترین ده‌م كارڤه‌دانه‌كا جدی هه‌بیت لدژی تاوانبارێن بووینه ئه‌گه‌رێ كو كچا كورد فه‌رینازێ ل رۆژهه‌لاتا كوردستانێ خوه تووشى وى روودانێ بكه‌ت.
تێ زانین كچه‌كا كورد ل مهابادێ كو كارمه‌ند بوو خوه ل قاتێ چارێ یێ ئوتێله‌كێ دا هاڤێتبوو پشتی ب هاریكاریا خودانێ هوتێلێ كاربده‌سته‌كێ ئیرانی ڤیای ده‌ستدرێژیێ بكه‌ته سه‌ر و ڤێ یه‌كێ ژی خوه‌نیشاندانێن مه‌زن ل مهابادی لدووڤ خوه ئینان و ئوتێل ژ ئالیێ خوه‌نیشانده‌ران ڤه هاته سوتن .
