به‌غدا دێ پارێ گه‌شه‌پێدانا پارێزگه‌هان بۆ هه‌رێمێ ژى هنێريت
ئه‌ڤرۆ نيوز:
حوكمه‌تا به‌غدا بڕيار دا پارێ په‌ره‌دانا پارێزگه‌هان بۆ هه‌رێما كوردستانێ ژى ره‌وانه بكه‌ت، به‌لێ وه‌زاره‌تا دارايى روونكرنه‌كێ د وێ ده‌ربارێ دا به‌لاڤ كه‌ت.
هشيار زێبارى، وه‌زيرى دارايێ عيراقێ ئاشكه‌را كر كو دێ بودجا گه‌شه‌پێدانا هه‌موو پارێزگه‌هێن عيراقێ بۆ هه‌يڤا گۆلانێ ره‌وانه كه‌ن، به‌لێ ژ ئه‌گه‌رێ نه‌بوونا پارێ نه‌قد نه‌شێت بودجێ ب دروستى بهنێريت، ب تنێ دێ 10% ئه‌وى پاره‌يى ره‌وانه كه‌ت.
د وێ ده‌ربارێ دا، د. فازل نه‌بى، بريكارێ وه‌زاره‌تا دارايا عيراقێ بۆ تۆڕا ده‌نگوباسێن سلێمانيێ راگه‌هاند كو بودجا گه‌شه‌پێدانا پارێزگه‌هێن عيراقێ بۆ هه‌يڤا گۆلانێ دێ ب رێژا 10% بۆ پارێزگه‌هان ره‌وانه كه‌ت.
ده‌رباره‌يى وێ چه‌ندێ كا دێ پارێزگه‌هێن هه‌رێمێ ب خوه ڤه گريت يان نه، نه‌بى گۆت: “پارێزگه‌هێن هه‌رێمێ ژى دێ ژ وێ بڕيارێ د مفادار بن”.
ل دۆر ژڤانێ ره‌وانه كرنا وى پاره‌يى ژى گۆت: “مه په‌يوه‌ندى يا ب هه‌موو پارێزگه‌هان كرى دا كو پرۆژێن خوه بۆ مه ره‌وانه بكه‌ن، هه‌ر ده‌مێ گه‌هشتن، ئه‌م ژى دێ وێ بودجێ ره‌وانه كه‌ين”.