شانده‌كێ هه‌رێما كوردستانێ دێ سه‌ره‌دانا به‌غدا كه‌ت
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ جڤاتا نوونه‌رێن عيراقێ د داخۆيانيه‌كێ دا راگه‌هاند كو بڕياره شانده‌كێ نوو يێ هه‌رێما كوردستانێ ژ بوو دانوستاندنێ ل سه‌ر كێشا كێمهنارتنا بودجێ هه‌رێما كوردستانێ سه‌ره‌دانا به‌غدا بكه‌ت.
حاكم سه‌رحان سلێڤانه‌يى، ئه‌ندامێ فراكسيۆنا پارتى ديموكراتى كوردستان ل جڤاتا نوورێن عيراقێ د داخۆيانيه‌كێ دا بۆ ئه‌ڤرۆ نيوز گۆت: “بڕياره شانده‌كێ هه‌رێما كوردستانێ ژ بوو گه‌نگه‌شه‌كرنا كێشا كێم هنارتنا بودجا هه‌رێما كوردستانێ سه‌ره‌دانا به‌غدا بكه‌ت”.
زێده‌تر گۆت: “نه‌هاتيه زانين كا دێ ئه‌ڤ شانده ب سه‌رۆكاتيا كێ بيت و پێشبينى دهێته كرن هه‌كه ل دووماهيا ڤێ حه‌فتيێ نه‌بيت ل ده‌سپێكا حه‌فتيا بهێت ئه‌ڤ شانده بگه‌هيته به‌غدا”.
سه‌ره‌رايى هنارتنا رێژا پێدڤى يا په‌ترۆلێ ب رێيا كۆمپانيا سۆمۆ ژ لايێ هه‌رێما كوردستانێ ڤه، به‌لێ حوكمه‌تا عيراقێ بوجا هه‌يڤانه يا هه‌رێما كوردستانێ ب ره‌نگه‌كێ دروست ره‌وانه ناكه‌ت.
