راكان عه‌بدولقادر‮:‬‮ ‬كرنا‮ ‬ياريێ ل سه‌ر پێدڤي‮ ‬و داخوازيا‮ ‬ياريكه‌ري‮ ‬يه‌

ياريكه‌رێ هێلا به‌ره‌ڤانيا‮ ‬يانا زێره‌ڤانێ دياركر كو پێدڤيێه‌‮ ‬ياريكه‌ر ل دووڤ به‌رژه‌وه‌نديا تيمێ و داخوازيا‮ ‬ياريكه‌ري‮ ‬د پێكهاتێ تيمێ دا‮ ‬ياريێ بكه‌ت‮.‬
زێده‌تر راكان عه‌بدولقادر د ديداره‌كێ دا بو روژناما ئه‌ڤرۆ گوت‮: ‬كه‌مپا راهێنانێ ده‌ليڤه‌كا زێرين بوو بو‮ ‬ياريكه‌رێن نوو دگه‌ل‮ ‬ياريكه‌رێن خوه‌ كه‌ڤن بگونجينن و زێده‌تر ئێك بنياسن و راهێنه‌ر ل سه‌ر پێكهاته‌كێ گونجايي‮ ‬راوه‌ستيت و ديتنه‌كا باش بۆ راهێنه‌ري‮ ‬ل دور ئه‌ركێن‮ ‬ياريكه‌را چێبيت،‮ ‬تايبه‌ت د‮ ‬ياريێن هه‌ڤالينێ دا،‮ ‬داكو ل ده‌مێ هه‌ڤركيێن خولێ باشترين ئاست پێشكێش بكه‌ت‮. ‬
هه‌روه‌سا ب بوچونا ناڤبري‮ ‬ئه‌ف ساله‌ زيره‌ڤاني‮ ‬دێ به‌رده‌واميێ ده‌ته‌ پاراستنا ناسناڤێ و دێ ناسناڤێ هێليته‌ ل پارێزگه‌ها دهوكێ،‮ ‬هه‌ر چه‌نده‌ پێشبينيا هه‌ڤركيه‌كا ب هێز دهێته‌ كرن ژلايێ‮ ‬يانێن پێشمه‌رگا هه‌ولێري‮ ‬و سلێمانيێ،‮ ‬هه‌كه‌ پشكداريا تيما دويێ ئێك تيم نه‌بيت بو هه‌ردو خولێن عيراقێ و كوردستانێ و هه‌تا راده‌كي‮ ‬يانا هه‌ولێر ژي‮ ‬چونكو خودان ناڤه‌ و جه‌ماوره‌كێ باشه‌ و زێده‌تر ل دور پشته‌ڤانيا كێم‮ ‬يا جه‌ماوه‌ري‮ ‬بو‮ ‬يانا زێره‌ڤاني‮ ‬گوت‮: ‬نه‌بونا كه‌نالێن تايبه‌ت‮ ‬يێن وه‌رزشێ ل كوردستانێ‮ ‬و حه‌زا جه‌ماوه‌ري‮ ‬زێده‌تره‌ بو خولا عيراقێ ژ خولا كوردستانێ هه‌ر چه‌ند خولا كوردستانێ‮ ‬ياريكه‌رێن خودان ئاست هه‌نه‌ هه‌كه‌ باشتر نه‌بن ژ گه‌له‌ك‮ ‬ياريكه‌رێن‮ ‬ياريێ ل خولا عيراقێ دكه‌ن‮.‬

کۆمێنتا تە