ھەرێم گرێبەستەکێ بۆ فرۆتنا پەترۆلا خوە ئیمزا دکەت
ئەڤرۆ نيوز:
ھەرێما کوردستانێ دێ دەست ب گرێبەستا فرۆتنا نەفتێ راستەوخۆ بێی ڤەگەریانا عیراقێ کەت، پەیڤدارێ حوکمەتا ھەرێمێ ژی دیار دکەت کو ھەرێم یا پابەندە ب رێککەفتنا ل گەل بەغدا و ئەو ئاستەنگان دروست دکەن.
ل دووڤ نووچەکێ ئاژانسا رۆیتەرز حوکمەتا ھەرێمێ نوکە مژوولی وێ چەندێ یە گرێبەستا فرۆتنا نەفتێ ب رەنگێ راستەوخۆ ل گەل کۆمپانیێن جیھانی ئیمزا بکەت، د ڤی چارچووڤەی ژی دا گرێبەستەکا شەش ھەیڤی ل ناڤبەرا ھەرێما کوردستانێ و کۆمپانیا گۆڵف کیستۆن پترۆلیۆمدا ھاتیە ئیمزا کرن.
پەیڤدارێ حوکمەتا ھەرێما کوردستانێ سەفین دزەیی دیارکر کو حوکمەتا ھەرێمێ سەرەرایی پابەندبوونا وێ ب رێککەفتنا ل ناڤبەرا ھەولێر و بەغدا بۆ ھنارتنا نەفتێ ب رێیا کۆمپانیا سۆمۆ بەلێ بەغدا پشکا ھەرێما کوردستانێ ژ بودجێ ناھنێریت.