پارتى: ده‌سته‌كێ ده‌ره‌كى يێ ل پشت ئاخفتنيێن هه‌ڤال ئه‌بۆ به‌كر
ئەڤرۆ نیۆز، قائید میرۆ
سەرۆکێ جڤاتا پارێزگەھا سلێمانیێ دو جاران گەفێن ھەرێمکرنا پارێزگەھا سلێمانیێ کرينه و بەرپرسەکێ پارتی ژی ئاشکرا کر، ئاخفتنا ھەڤالی ئه‌بۆ به‌كر دەستەکێ دەرڤە لپشت ھەیە.
کەنعان خەیلانی سەرۆکێ فڕاکسیۆنا پارتی ل جڤاتا پارێزگەھا ھەولێرێ بۆ ئەڤرۆ نیۆز راگەھاند: “مخابن بۆ ھەڤال ئەبوبەکر سەرۆکێ جڤاتا پارێزگەھا سلێمانیێ، کو نوونەرێ خەلکێ سلێمانیێ یە و دڤێ قەیرانا نوکە ھەرێما کوردستانێ تێدا دەرباز دبیت، پرسەکا وەسا یا گرنگ بەحس بکەت، ئازراندنا پرسەکا وەکی ھەرێمکرنا پارێزگەھا سلێمانیێ دەستەک لپشت ھەیە “.
خەیلانی گۆتژی: “ئەڤە بۆ جارا ئێکێ نینە ئاماژە ب ھەرێمکرنا سلێمانیێ دکەت، چونکو بەری نوکە ھەڤال ئه‌بۆ به‌كر بەحسێ کانتۆنکرنا ھەولێر و دھۆک و سلێمانیێ کریە و ئەڤە ژی ناھێتە قەبوولکرن”.