هاتيه نووكرن: ل جه‌ژنێ دێ باران باريت
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو بڕياره ل رۆژا شه‌مبى رێكه‌فتى 18ى تيرمه‌ها 2015ێ پلێن گه‌رمێ بهێنه خوار و ئه‌گه‌رێ باران بارينێ ل ده‌ڤه‌رێن چيايى يێ هه‌يى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د راگه‌هاندنه‌كێ دا كو دانه‌ك بۆ ئه‌ڤرۆ نيوز ره‌وانه‌كريه ئاماژه ب وێ چه‌ندێ دكه‌ت كو ل رۆژا ئه‌ينى رێكه‌فتى 17ى تيرمه‌ها 2015ێ هه‌رێما كوردستانێ دێ ل بن كارتێكرنا فشارێن نزمێن گه‌رما سالانه مينيت و ئه‌سمان دێ ب گشتى ساهى بيت و ل گه‌ل هنده‌ك ئه‌ورێن گه‌له‌ك كێم.
ل رۆژا شه‌مبى رێكه‌فتى 18ى تيرمه‌ها 2015ێ ئه‌ڤ فشارێن نزمێن وه‌رزێ گه‌رما سالانه دێ بێ هێز بن و فشارێن بلندێن وه‌لاتێ توركيا كو هه‌وايه‌كێ هين و شه‌هدار يێ ل گه‌ل دێ گه‌هيته هه‌رێما كوردستانێ و ل سه‌نته‌رێ پارێزگه‌هێن هه‌رێمێ دێ ئه‌سمان ساهى بيت و ئه‌ڤ كارتێكرنه دێ بيته ئه‌گه‌رێ نزمبوونا پلێن گه‌رماتيێ ب ره‌نگه‌كێ ئێكسه‌ر، ب گۆره‌يى پێشبينيێن ده‌سپێكى ل ده‌سپێكێ دێ ژ ده‌ڤه‌رێن چيايى و سنورى ل باكوورێ رۆژهه‌لاتێ هه‌رێمێ ئه‌سمان نيڤ ئه‌ورى بيت ل گه‌ل بارينا بارانێ ب ره‌نگه‌كێ ڤه‌قه‌تيايى ل ده‌ڤه‌رێن جودا.
ئه‌ڤ كارتێكرنه دێ هه‌تا رێكه‌فتى 22ى تيرمه‌ها 2015ێ يا به‌رده‌وام بيت و د ڤى ماوه‌يى دا، دێ پلێن گه‌رماتيێ نزم بن و شه‌هـ دێ د ناڤ هه‌وايى دا هه‌بيت و ب ره‌نگه‌كێ گشتى پلێن گه‌رماتيێ 4 بۆ 7 پلان دێ نزم بن و دهێته پێشبينيكرن ل رۆژا دوشه‌مبى پلێن گه‌رماتيێ بگه‌هنه نزمترين ئاست و ب ره‌نگه‌كێ گشتى پلێن پێشبينيكرى يێن گه‌رماتيێ ل سه‌ر ئاستێ هه‌رێمێ دێ ب ڤى ره‌نگێ ل خوارێ بن:
هه‌ولێر 38-39، دهۆك 34-35، سلێمانى 37-38، كه‌ركووك 40-41 و هه‌له‌بچه 37-38.
