بارانبارین ھەتا سوبه‌هى دێ یا بەردەوام بیت
ئه‌ڤرۆ نيوز:
ڕێڤەبەرێ گشتیێ کەشناسی و بیڤەلەرزان ل ھەرێما کوردستانێ خویا کر کو ئەو پێلا باران بارینا بەر ب ھەرێمێ ھاتی ھەتا ئێڤاریا چارشەمبیێ دێ یا بەردەوام بیت و گۆت “ل سەنتەرێ پارێزگەھێن ھەرێمێ پتر ژ ٢٩ ملم باران باریە”.
فازل ئیبراھیم ڕێڤەبەرێ گشتیێ کەشناسی و بیڤەلەرزان ل ھەرێما کوردستانێ ئاشکرا کر کو ل سەنتەرێ ھەولێرێ ٣.٥ ملم و ل سەنتەرێ سلێمانیێ ١١.٦ و ل باژارێ کەرکووکێ ٢ ملم و ل سەنتەرێ دھۆکێ ژی ١٢ ملم باران بارییە.
ژ ئالیەکێ دن ڤە ھاشم یەحیا بەرپرسێ پشکا کەشناسیێ ل ئامێدیێ بۆ ئەڤرۆ خویا کر، کو ئەڤ رێژا بارنێ ل دەڤەرێ باریە چ جار ب ڤی رەنگی نەبوویە، کو ل ڤی دەمێ سالی ھند باران نەباریە و گۆت “ناحیا سەرسنکی پترین رێژا باران بارینێ ب خوەڤە گرتیە و د ئێک رۆژ دا گەھشتە ٣٨ ملیمان و سەنتەرێ قەزایێ ١٦ ملم و کانی ماسێ ژی ١٦ ملم و دێرەلۆکێ ٢٥.٥ و چەمانکی ٣٣ ملم باران باریە”.
ھاشم یەحیا بەرپرسێ پشکا کەشناسیێ ل ئامێدیێ گۆت ژی “ل ناحیا بامەرنێ ل سەر ئاستێ قەزا ئامێدیێ کێمترین رێژا باران بارینێ ب خوەڤە گرتیە کو د ٢٤ دەمژێرێن بۆری دا رێژا باران بارینێ گەھشتیە ١٠ ملیمان”.
