رێڤەبەرەک سەرا گەندەلیێ ھاتە دەستەسەر کرن
ئەڤرۆ نيوز:
بەرپرسێ نڤێسینگەھا دەستەیا دەست پاکیێ ل ئاکرێ بۆ ئەڤرۆ دیار کر پشتی کۆمکرنا بەلگەیان ل سەر رێڤەبەرێ بەلاڤکرنا کارەبا ئاکرێ وانا سکالا ل سەر تۆمار کر و نوکە ل زیندانا گرتن و ڤەگوھاستنا ئاکرێ ھاتیە دەستەسەر کرن.
ھەڤال محەمەد ئاشکرا ژی کر کو رێڤەبەرێ بەلاڤکرنا کارەبا ئاکرێ ل گەل فەرمانبەرکێ وی کو بەرپرسێ پشکا سەخبێریێ یە تاوانبارن و ل گۆر مادێ ٣٢٠ ژ قانوونا سزایێن عیراقێ ژ لایی دادوەرێ ڤەکۆلینێ ڤە ھاتنە دەستە سەر کرن و ڤەکۆلین یا بەردەوامە و گۆت:(ئەم ب چو رەنگەکی سکالا خوە ڤەناکێشین، چونکو وان گەندەلیا ل سەر مولکێ گشتی و دەولەتێ کری و پۆستێ خۆ بۆ بەرژەوەندیا تایبەت بکارئینایە).
