رێیا هه‌نگارییا ل كۆچبه‌ران هاته گرتن لێ كۆچبه‌ران رێیه‌كا دی دیت
ئه‌ڤرۆ نیوز: ڤه‌ده‌ر ره‌شاڤایی:
پشتی وه‌لاتێ هه‌نگارییا پێرابوونێن نوو و توند ل دژی كۆچبه‌ران بكار ئینای و سنۆرێ خوه لگه‌ل سربیا ل هه‌مبه‌ر كۆچبه‌ران گرتی، نها كۆچبه‌ران ده‌ست پێكرییه رێیه‌كا نوو دگرنه به‌ر خوه بۆ گه‌هشتنا وه‌لاتێن باكۆر و رۆئاڤایێ ئه‌ورۆپا.
بسه‌دان په‌نابه‌ر ئه‌ڤرۆ 16ئیلۆنێ ده‌ربازبوونه وه‌لاتێ كرواتیا وه‌ك به‌رگوهره‌ك بۆ رێییا هه‌نگارییا كو نها یا داخستییه، و حكومه‌تا كرواتیا ژی دده‌ته خویاكرن كو ئه‌و به‌رهه‌ڤن كۆچبه‌ران د وه‌لاتێ خوه را ده‌رباز بكه‌ن و رێیێ بۆ ڤه‌كه‌ن بچنه وی وه‌لاتی یێ وان دڤێت.
