ئێكه‌تیا ئه‌ورۆپا بفه‌رمی بریاره‌كا گرنگ لدۆر توركیا دده‌ت
ئه‌ڤرۆ نیوز: ڤه‌ده‌ر ره‌شاڤایی:
ئێكه‌یتا ئه‌ورۆپا توركیا كره د لیستا وه‌لاتێن نه‌ئارام دا و ب رێزا وان وه‌لاتان دانا یێن ئێدی بكێر حه‌واندنا په‌نابه‌ران نه‌هێت ژبه‌ر شه‌ر و په‌ڤچوونێن توركیا ل گه‌ل شه‌رڤانێن په‌كه‌كێ.
پشتی كۆمبوونا وه‌زیرێن ناڤخۆیێن وه‌لاتێن ئێكه‌تیا ئه‌ورۆپا د كۆنگره‌كێ رۆژنامه‌ڤانی دا وزیرێ ده‌رڤه‌یێ لوكسمبۆرگ جان ئه‌سێلبووم راگه‌هاند: بجۆركرنا توركیا بفه‌رمی هاته گوهرین و ئێدی ب جهه‌كێ ئارام و خودانا ره‌وشه‌كا بسلامه‌ت ناهێـه نیاسین. ”
ئێكه‌تیا ئه‌ورۆپا لسه‌ر چه‌ند پیڤه‌ران كو ب پیڤه‌رێن كۆپنهاگن دهێنه نیاسین دیار دكه‌ت كا وه‌لاته‌ك یێ ته‌نا و ئارامه یا نه ، بۆ ڤێ یه‌كێ دڤێت هه‌ر وه‌لاته‌كی ئه‌ڤ خاله لێ بهێنه بجئینان: مافێن دیموكراسییێن بنه‌ره‌تی، قانوون، مافێن مرۆڤان و رێزگرتن و پاراستنا مافێن كه‌مینه‌یان.
