حه‌جیێ دهۆكێ یێ ل سعودیه برینداربووی گه‌هشت
ئه‌ڤرۆ نیۆز، سالار دۆسكى:
ئه‌ڤرۆ دووه‌م كاروانێن حه‌جیێن كوردستانێ ب رێكا فرۆكخانا هه‌ولێرێ یا نێڤده‌وله‌تی كو هه‌ژمارا وان 410 حه‌جى بوون و هه‌موو خه‌لكێ دهۆكێ بوون گه‌هشتنه ئاخا كوردستانێ.
سه‌ردار قوربانى په‌یڤدارێ وه‌زاره‌تا ئه‌وقاف و كارۆبارێن ئاینى ل هه‌رێما كوردستانێ بۆ ئه‌ڤرۆ نیۆز ئاشكراكر كو ئه‌ڤرۆ 30/9/2015 دووه‌م كاروانێ حه‌جیێن كوردستانێ ب رێكا فرۆكخانا هه‌ولێرێ گه‌هشتن و هه‌موو خه‌لكێ دهۆك بوون و ئاشكراكر كو دناڤا ئه‌ڤان حه‌جیان دا، حه‌جى (موسا محه‌مه‌د سالح) ئه‌و حه‌جیێ بریندار ب روودانا سلنگێ ل وه‌لاتێ سعودى دناڤ دایه و گه‌هشته ئاخا كوردستانێ و ب ساخله‌میه‌كا باش ب دیتنا كه‌س و كارێن خوه شاد بوو.
قوربانى ئاشكراكر ژى كو حه‌جیێن كوردستانێ ب 11 قوناغا دێ گه‌هنه ئاخا وه‌لاتى و ئه‌ڤرۆ دووه‌م كاروان گه‌هشت و رۆژێن 4/5/7 ڤێ هه‌یڤێ دێ حه‌جیێن سلێمانیێ و هه‌له‌بچه و گه‌رمیان ب رێكا فرۆكخانا سلێمانیێ گه‌هن.
