سەرکردەکێ PKK: چاڤەرێ نەبن شەرێ پارتی بکەین
ئەڤرۆ نيوز:
ئەندامەکێ سەرکرداتیا برێڤەبرنا کۆما جڤاکێن کوردستانێ راگەھاند کو بارگرژی و پەیوەندیێن شەڕکرنێ ل گەل پارتی دیمۆکراتی کوردستان نەبینە و نابن ژی و گۆت:(چو لایەن بلا چاڤەرێ نەبن شەڕ د ناڤبەرا پارتی و پەکەکێ دا پەیدا ببیت).
دووران کالکان کو ئێک ژ دامەزرێنەرێن PKK یە دبێژیت:(ھندەک لایەن یێن ھەین ئاگرێ شەری د ناڤبەرا ھەردو لایان ھەل بکەن، لێ ھزرا وان یا خاڤە و چ جاران ئەڤ شاشیە روونادەت و ھیڤیدارم ئەو گرژیا ھەی ژی ب دیالۆگ و ریێن دیمۆکراسی ب دووماھی بھێت و نوکە بزاڤ بۆ ڤێ چەندێ یێ دھێنە کرن).
کالکان ھەروەسا دخوازیت ئەندامێن کۆنگرێ نەتەوی دوبارە روونشتنێن ب لەز ئەنجام بدەن و رێزێن ھێزا پێشمەرگەی و گەریلان بکەنە ئێک، ھەتا دگەھیتە ئاستێ ئێکگرتنا ھێزا نیشتمانی یا کوردستانی.
