سه‌رۆك بارزانى ئه‌گه‌رێن مشه‌ختبوونا وه‌لاتيان ئاشكه‌را دكه‌ت
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ د ديداره‌كێ دا ل گه‌ل وه‌زيرێ بازرگانيێ هنگاريا راگه‌هاند: بارێ گرانێ شه‌رێ تيرۆرێ يێ ل سه‌ر ملێن پێشمه‌رگه‌يى و هێشتا جيهان وه‌كو پێدڤى روو ب روويێ وێ دياردا ترسناك رانه‌وه‌ستيايه.
رۆژا چارشه‌مبى رێكه‌فتى 7ى چريا ئێكێ يا 2015ێ ل دهۆكێ مه‌سعود بارزانى سه‌رۆكێ هه‌رێما كوردستانێ پێشوازى ل سيارتۆ وه‌زيرێ ژ ده‌رڤه و بازرگانيێ هنگاريا و شانده‌كێ ل گه‌ل دا كر.
سه‌رۆك بارزانى د ڤێ ديدارێ دا ئاشكه‌را كر كو چاره‌سه‌ريا كێشا كۆچبه‌ريێ يا ل ده‌رڤه‌ى ئورۆپا و قه‌يرانا ئابوورى و مه‌ترسيا تيرۆرستا دو ئه‌گه‌رێن سه‌ره‌كى يێن ئاواره‌بوونا خه‌لكى نه ل رۆژهه‌لاتا ناڤه‌راست و بۆ چاره‌كرنا ڤێ پرسێ پێدڤيه كار بۆ نه‌هێلانا ئه‌گه‌ران بهێته كرن، نه ب تنێ كار ل گه‌ل ئه‌نجامان بهێته كرن.
ده‌رباره‌يى شه‌رێ دژى داعش ژى ئاماژه ب وێ چه‌ندێ كر كو هێشتا ژ روويێ پراكتيكى ڤه بارێ گرانێ شه‌رێ داعش يێ ل سه‌ر ملێن پێشمه‌رگه‌يى و هێشتا جيهان وه‌كو پێدڤى روو ب روو ڤێ دياردا ترسناك نه‌بوويه.
ل دۆر هێرشێن ئه‌سمانى يێن رۆسيا ژى سه‌رۆكێ هه‌رێما كوردستانێ بۆچوونا خوه دياركر و راگه‌هاند: هه‌كه هه‌ماهه‌نگى و رێكه‌فتن د ناڤبه‌را وه‌لاتێن هه‌ڤپه‌يمان و رۆسيا دا نه‌بيت ل شه‌رێ دژى تيرۆرێ، دێ كاودان ئالۆزتر لێ هێن و سه‌قامگێرى ل ده‌ڤه‌رێ ناهێته ديتن”.
