ئێكگرتوو: فرۆتنا په‌ترۆلا هه‌رێما كوردستانێ نه‌يا قانوونى يه
ئه‌ڤرۆ نيوز:
سه‌رۆكێ فراكسيۆنا ئێكگرتوو ل جڤاتا نوونه‌رێن عيراقێ راگه‌هاند: فرۆتنا په‌رۆلا هه‌رێما كوردستانێ نه‌يا قانوونى يه و عه‌بادى دشێت ده‌ستێوه‌ردانێ د ناڤ كاروبارێن ناڤخۆ يێن هه‌رێما كوردستانێ دا وه‌ربده‌ت.
موسه‌نا ئه‌مين، سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ ب ميديايێن پارتيا كرێكارێن كوردستانێ “په‌كه‌كه” راگه‌هانديه: حه‌يده‌ر عه‌بادى، سه‌رۆك وه‌زيرێن عيراقێ يه و ب “ب گۆره‌يى قانوون و دستوورى دشێت ده‌ست بێخيته ناڤ كاروبارێن هه‌رێما كوردستانێ”.
ب گۆره‌يى گۆتنێن موسه‌نا ئه‌مين هه‌كه پێنج حزبێن باشوورێ كوردستانێ نه‌گه‌هنه رێكه‌فتنى، سه‌رۆك وه‌زيرێن عيراقێ دشێت دانپێدانێ ب سه‌رۆكێ هه‌رێمێ نه‌كه‌ت و داخوازێ ژ وه‌لاتێن هه‌ڤسۆ بكه‌ت بێ ڤه‌گه‌ريان بۆ به‌غدا چو مامه‌له‌كێ ل گه‌ل هه‌رێما كوردستانێ نه‌كه‌ن.
سه‌رۆكێ فراكسيۆنا ئێكگرتوو ئاماژه ب وێ چه‌ندێ ژى دكه‌ت “فرۆتنا په‌ترۆلێ بێ ڤه‌گه‌ريان بۆ به‌غدا و ب ره‌نگه‌كێ سه‌ربه‌خۆ نه‌يا قانوونى يه” و وه‌سان دبينيت هه‌كه به‌غدا دانپێدانێ ب مه‌سعود بارزانى، سه‌رۆكێ هه‌رێما كوردستانێ نه‌كه‌ت “چو وه‌لاته‌ك وى ب سه‌رۆكێ هه‌رێمێ نادابيت”.
