كه‌نالێ وار سپۆرت ژ وه‌شانێ راوه‌ستيا
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ رۆژا پێنجشه‌مبى رێكه‌فتى 15ى چريا ئێكێ يا 2015ێ كه‌نالێ وار سپۆرت ژ وه‌شان راوه‌ستيا و سه‌رنڤيسه‌رێ رۆژناما وار ژى دبێژيت ژ ئه‌گه‌رێن ره‌وشا دارايى نه.
فازل عومه‌ر سه‌رنڤيسكارێ رۆژناما وار يێ گرێدايى كۆمپانيا پالۆ بۆ ئه‌ڤرۆ نيوز گۆت: “ژ ئه‌گه‌رێ لاوازيا ره‌وشا دارايى بڕيار هاته دان كه‌نالێ وار سپۆرت بۆ ده‌مه‌كێ نه‌ديار بهێته راوه‌ستاندن”.
زێده‌تر گۆت: “راوه‌ستاندنا كه‌نالى ژ ئه‌گه‌رێن دارايى بوويه و بۆ ده‌مه‌كێ نه‌دياره هه‌تا ره‌وشا دارايى دروست دبيت”، دا زانين ژى كو “نوكه دشيانێن كه‌نالى دا نينه چو خولان بكريت و كه‌ناله‌كێ وه‌رزشى بێى هه‌بوونا چو خولان ژى، چو رامانا خوه نينه”.
ده‌رباره‌يى رۆژناما وار ژى گۆت: “هێشتا چو بڕيار ل سه‌ر رۆژنامێ نه‌هاتينه دان، ئه‌ڤرۆ بهێنڤه‌دانه و ژ به‌ر هندێ هێشتا رۆژنامه نه‌ده‌ركه‌فتيه”.
ب گۆره‌يى ژێده‌ره‌كى ژ وار ميديا بۆ ئه‌ڤرۆ نيوز ئاشكه‌را كربوو كو هه‌ر ئێك ژ رۆژناما وار و كه‌نالێ وار سپۆرت ژ به‌ر ره‌وشا دارايى هاتينه راوه‌ستاندن و ب تنێ ئه‌و ل سه‌ر بڕيارێ هاتينه ئاگه‌هدار كرن و چاره‌نڤيسێ كادرى نه‌يێ دياره.
