ئاریشا مووچێ مامۆستا هاته چاره‌سه‌ركرن
ئه‌ڤرۆ نیۆز، قائید میرۆ
به‌رپرسه‌كێ ئێكه‌تیا مامۆستایێن كوردستانێ ئاشكراكر، حوكمه‌تێ سۆزدایه ئاریشه‌یا گیرۆبوونا موچێ مامۆستا بهێته چاره‌سه‌ركرن و وه‌كی به‌رێ هه‌یڤانه دێ موچان وه‌رگرن.
ئه‌حمه‌د گه‌رمیانی، جێگرێ سه‌رۆكێ ئێكه‌تیا مامۆستایێن كوردستانێ ب ئه‌ڤرۆ نیۆز راگه‌هاند” حوكمه‌تا هه‌رێما كوردستانێ سۆزدایه ئێكه‌تیا مامۆستایان ژنوكه پێڤه هه‌موو هه‌یڤێ دێ موچێ مامۆستا هێته مه‌زاختن و گیرۆنابیت وه‌كی هه‌یڤێن بۆری.
گه‌رمیانی دیاركر، مه موچێ هه‌یڤا حه‌فت ل 12ی ڤێ هه‌یڤێ وه‌رگرت، بڕیاره به‌ری 12 ی هه‌یڤا داهاتی موچێ هه‌یڤا هه‌شت بسه‌ر مامۆستا بهێته به‌لافكرن و ئاریشه‌یا گیرۆبوونا موچه‌ی هاته چاره‌سه‌ركرن، تنێ دێ ئه‌ف هه‌یڤێن بۆری وه‌كی قه‌ڕ ل نیك حوكمه‌تێ مینن.
