نه‌جمه‌دین كه‌ریم: دڤێت رێفراندوما ڤه‌گه‌ریانا كه‌ركووكێ بۆ سه‌ر هه‌رێما كوردستانێ بهێته‌كرن
ئه‌ڤرۆ نیوز:
نه‌جمه‌دین كه‌ریم پارێزگه‌رێ كه‌ركووكێ دبێژیت كو بێگۆمان كه‌ركووك كوردستانه و دڤێت رێفراندوما ڤه‌گه‌ریانا وێ بۆ سه‌ر هه‌رێما كوردستانێ بهێته‌كرن .
د هه‌ڤپه‌یڤینه‌كێ دا بۆ مالپه‌رێ (ئه‌لمۆنیته‌ر) نه‌جمه‌دین كه‌ریم خویاكر كو پێشمه‌رگه ب چ شێوه‌كێ ئه‌و جهێن كۆنترۆل كرین به‌رناده‌ت، سۆپایێ ئیراقی ره‌ڤییه و جهێ میلیشیایێن شیعه ل كه‌ركووكێ نینه و پشتی كۆنترۆلكرنا ناوچێن كوردستانی دڤێت رێفراندوم بهێته‌كرن .
هه‌روه‌سا نه‌جمه‌دین كه‌ریم راگه‌هاند: پێنگاڤا داهاتی دڤێت رێفراندوم بهێته كرن بۆ وێ یه‌كێ كه‌ركووك ب فه‌رمی بچیته سه‌ر هه‌رێما كوردستانێ ڤه، لێ به‌ریا هنگی دڤێت چه‌ند پێنگاڤ ژ ئالیێ سه‌ركردێن كوردستانێ و په‌رله‌مانێ كوردستانێ بهێنه هاڤێتن، بمه‌ره‌ما وێ یه‌كێ بریار ل سه‌ر رۆلێ توركمان و عه‌ره‌ب و كوردێن كه‌ركووكێ بفه‌رمی د سه‌ركردایه‌تی و په‌رله‌مان و وه‌زاره‌تێن حكومه‌تا هه‌رێمێ دا بهێته دان ، ژبه‌ركو كه‌ركوكێ ره‌وشه‌كا تایبه‌ت یا هه‌ی و وه‌كی پارێزگه‌هێن دی یێن هه‌رێما كوردستانێ نینه. “
