ئەڤرۆ کۆنگرێس دێ بڕیارێ ل سەر پارچەکرنا عیراقێ دەت
ئەڤرۆ نیوز:
بڕیارە ئەڤرۆ کۆنگرێسێ ئەمریکا بڕیارێ ل سەر پارچەبوونا عیراقێ بدەت و ل دووڤ وێ بڕیارێ وەک دەولەتێن جودا سەرەدەری ل گەل ھەرێما کوردستانێ و سوننا بھێتە کرن.
پەرلەمانتارەکێ عیراقێ یێ بەرێ ژی ژ بەر بھێنڤەدانا پەرلەمانی داخوازێ ژ حوکمەتێ دکەت، بالیۆزێ ئەمریکا ل عیراقێ دەربێخیت و بالیۆزخانا وێ ژی بگریت.
فەوزی کەریم ترزی ئەڤ پێنگاڤا ئەمریکا ب دەستێوەردانا کاروبارێن ناڤخوە یێ عیراقێ وبجھئینا پرۆژێ جۆ بایدن جێگرێ سەرۆکێ ئەمریکا بۆ بۆ دابەشکرنا عیراقێ ل سەر سوننە و کورد و شیعان وەسفکر و گۆت:(پێدڤیە پەرلەمان روونشتنەکا نەئاسایی ئەنجام بدەت و ڤان پێنگاڤێن کۆنگرێسی گەنگەشە بکەت و بڕیارەکا دیرۆکی و نیشتمانی د ڤی واری دا بدەت).