نووترین پێزانین ل سەر مەترسیا کولێرایێ ل دھۆکێ
ئەڤرۆ نیوز:
رێڤەبەرێ پشکا چاڤدێری وسلامەتیا خۆراکی ب وەکالەت ل رێڤەبەریا کاروبارین خوەپاراستنا ساخلەمیێ ل دھۆکێ، یاسین سلێمان دیارکر کو ژبەر کونترولکرنا نەخۆشیا کۆلیرایێ ب نڤیسارا ژمارە 13464 رێنمایێن تایبەت ھاتنە دەرئێخستن ل سەر ھەموو رێڤەبەریێن ساخلەمیێ ل زاخۆ وئاکرێ و ئامێدیێ و کەرتێن ساخلەمیێ ھاتنە بەلاڤکرن بۆ رێ پێدانێ ب فروتنا زەرزەواتی ل ھەموو خوارنگەھێن گوزاری ومللی.
یاسین سلێمان ئەوژی خویاکر کو ئەو زەرزەواتێ ھاتیە قەدەغەکرن رێک پێ ھاتە دان جارەکا دی ل گەل خوارنێ بھێتە پێشکیشکرن ل ھەموو خۆارنگەھێن گوزاری ومللی و سەر پێ ب مەرجەکی ئەوژی ل بەرچاڤ وەرگرتنا پاقژیا زەرزەواتی وتافیلکرنا وی ب کەرستێ پەرمەنگناتێ پوتاسیوم ….ھتد، و گۆت: ھەر سال زیرەڤانیا ساخلەمیێ پێرابوون و رێنمایێن تایبەت دەردئێخین بۆ خوپاراستن وکونترولکرنا نەخۆشیێن ڤەگر ب تایبەتی ژی ئەڤ سالە، پشتی بەلاڤبوونا دەنگ وباسێ نەخۆشیا کۆلیرایێ ل ھەرێما کوردستانێ پیرابوونێن دژوارتر ھاتنە وەرگرتن وچەندین رێنمایێن تایبەت بۆ خوپاراستنێ ھاتنە بەلاڤکرن ل ھەموو جھان، و پشتی مەترسیا کولێرایێ نەمای جارەکا دی رێک ھاتە دان زەرزەوات ب ھەموو جۆرین خوە ڤە ل خۆارنگەھان بھێتە دان بۆ وەلاتیان.
حەجی یاسین داخوازی ژ وەلاتیان کر، بەردەوام کەسکاتی بشوون وتافیل بکەن، پاشی ب کاربینن وشووشتنا دەستان ژی زۆر یا گرنگە بۆ ھندێ مەترسیا نەخۆشیێن ڤەکر ل سەر وەلاتیان نەمینیت و گۆت: ئەم بەردەوام داکوکیێ ل سەر پاقژیێ دکەین.
رێڤەبەرێ پشکا چاڤدێری وسلامەتیا خۆراکی ب وەکالەت گۆتژی چەندین جە ب کوژمێن جۆدا یێن پارەی سەرا نەپێگیریێ ب رێنمایێن ساخلەمیێ ھاتینە سزادان.