رەنگە رێککەفتن دەربارەی بودجا ھەرێمێ د گەل بەغدا بھێتە کرن
ئەڤرۆ نيوز:
ئەندامەکا کورد ل جڤاتا نوونەرێن عیراقێ ئاشکرا کر کو رێکەفتنەک د ناڤبەرا کۆتلێن کورد و لایەنێن دی دا یا ھەی بۆ وێ چەندێ کو پشکا ھەرێما کوردستانێ ژ بودجێ ببیتە 17%.
سۆزان بەکر، ئەنداما جڤاتا نوونەرێن عیراقێ دیار کر کو ھەتا نوکە دانوستاندنێن لژنا دارایی ل دۆر بودجا سالا 2016 ب دووماھی نەھاتینە و گۆت: ” گەلەک بزاڤ دھاتنەکرن کو پشکا بودجا ھەرێما کوردستانێ ژ 17% بۆ 12% کێم بکەن و خەرجیێن سەروەریێ ژی کێم بکەن، بەلێ سەرۆکێ کۆتلێن کودردی ل گەل شاندێن عەرەبان کۆمبوون ئەنجامدان”.
ناڤھاتیێ ئاماژە دا وێ چەندێ ژی کو رێککەفتنەک یا ھەی کو پشکا ھەرێما کوردستانێ ژ 17% بۆ 12% نەھێتە کێمکرن و بۆ باسنیۆز گۆت: ” ھێشتا نەھاتیە زانین کا د ناڤ ھولا پەرلەمانی دا چ دھێتەکرن، بەلێ ھەکە پشکا ھەرێما کوردستانێ بھێتە کێمکرن دێ مە ھەلویستێ خوە ھەبیت و رەنگە ھولا پەرلەمانی بجھبھێلین”.
