حەیدەر عەبادی چاوان به‌حسێ په‌ترۆلا هه‌رێما كوردستانێ دكه‌ت؟
ئەڤرۆ :
ئێک ژ ئەندامێن پەرلەمانێ عیراقێ یێ سەر ب فراکسیۆنا پارتی دیموکراتێ کوردستانێ ل بەغدا راگەھاند، د ھەڤدیتنا ل گەل سەرۆک وەزیرێن عیراقێ حەیدەر عەبادی دا، وی گۆتیە وان، ھەرێما کوردستانێ ل گۆڕ بەندێ 3 یێ ماددێ 11 ژ پرۆژە قانوونا بودجا عیراقێ یا سلا 2015، ب سەربەخوەیێ پترۆلا ھەرێی بھێتە فرۆشتن، و داھاتێ پترولێ بۆ ھەرێمێ بمینیت، ئەڤ کارە ژی کارەکێ قانوونی یە ھەرێما کوردستانێ دکەت.
حاکم (سەرحان سلێڤانەیێ) دا داخوەیانیەکێ دا راگەھاند، ئەم وەک لیژنا دارایی یا جڤاتا نوونەرێن عیراقێ ل گەل سەرۆک وەزیرێن عیراقێ (حەیدەر عەبادی) کومبووین، و سەرۆک وەزیرێ عیراقێ سەبارەت نەھنارتنا مووچێ پێشمەرگەی و مافێن رەوایێن پێشمەرگەی گۆت: ل دووڤ بەندێ 3 یێ ماددێ 11 ژ پرۆە قانوونا بودجا عیراقێ یا سالا 2015، ھەرێمێ بۆ ھەیە پترۆلا خوە سەربخوە ب فرۆشیت، و ھەموو داھاتێ پترۆلێ بۆ ھەرێمێ بمینیت، ئەو کارێ نھا ھەرێما کوردستانێ دکەت کارەکێ قانوونی یە، و مە چو پارە لبەر دەست نینە بۆ ھەرێما کوردستانێ رەوانە بکەین، وەسا دیارە ل دووماھیێ کو باوەری بۆ عەبادەی پەیدابوویە کو فرۆشتنا پترۆلا ھەرێمێ ب سەربخوە چو ئاریشە تێدا نینە و قانوونی یە.
سەرحان سلێڤانەیێ ھەروەسا دیارکر، لیستا دەولەتا قانوونێ د جڤاتا نوونەرێن عیراقێ دا ب سەرکێشیا نوری مالکی، بزاڤان دکەن ھەموو پەیوەندیێن دناڤبەرا ھەرێمێ و بەغدا دا نە مینن، و ھەرێم نەشێت ب سەربخوەیی پترۆلا خوە ب فرۆشیت، ئەڤە ژی بڕینا دەمارا نەتەوەیی و دوژمنکاریا ھەرێمێ یە.
پەرلەمانتارێ کورد حاکم سەرحان سلێڤانەیی زێدەتر خوەیاکر، دەولەتا قانوونێ بزاڤان بۆ ئازراندن و ئاراندنا جادە و جەماوەرێ شیعی دژی ھەرێمێ دکەن، ب درۆشمێن خوەیێن زیق، دیسا ل سەر بزاڤێن سەرنەکەفتن و دەرخستنا حەیدەری عبادی ژی د بەردەوامن، وەسا دیاردکەن کو حکومەتا عەبادی گەلەک ژیا نوری مالکی خرابترە.