12 سه‌رمايه‌دار 52 مليار ديناران قه‌ردارن و پاره‌ى ناڤه‌گه‌رينن
ئه‌ڤرۆ نيوز:
به‌نكا شيمال بۆ وه‌به‌رهێنانێ روونكرنه‌ك به‌لاڤكريه و تێدا رادگه‌هينيت كو خودانێ كۆمپانيا ناليا 11 مليار ديناران قه‌رداره و بۆ بانكێ ناڤه‌گه‌رينيت.
به‌نكا شيمال ئاماژه ب وێ چه‌ندێ دكه‌ت كو 12 سه‌رمايه‌دار و وه‌به‌رهێنه‌رێن سلێمانيێ 52 مليار ديناران قه‌ردارێن ئه‌وێ بانكێ نه و هه‌ر چه‌نده ژڤانێ دانێ ژى ب دووماهى هاتيه، به‌لێ پارێ خوه ڤه‌نه‌گه‌رانديه.
د پشكه‌كا دى يا روونكرنێ دا، به‌نكا شيمال رادگه‌هينيت كو “شاسوار عه‌بدولواحد” خودانێ كۆمپانيا ناليا كۆژمێ 11 مليار دينارێن عيراقى قه‌ردارێ به‌نكێ يه و پارێ خوه هه‌تا نوكه نه‌ڤه‌گه‌رانديه.
مالپه‌رێ “سنور ميديا” كو يێ نێزيكى ئێكه‌تى نشتيمانى كوردستانه، چه‌ند به‌لگه‌يه‌ك به‌لاڤكرينه و تێدا ده‌ردكه‌ڤيت كو “كۆمپانيا ناليا” پارێ خوه نه‌دايه و د ئێك ژ به‌لگان ژى دا “رێباز محه‌مه‌د حه‌ملان” وه‌زيرێ دارايى داخواز دكه‌ت كو ل جهێ ئه‌وان قه‌ران ده‌ست ب سه‌ر پشكه‌كا ناليا دا بهێته گرتن.
