ئهگهر مه دوهی یا خوه دیت دێ ئهڤروَیا خوه پارێزین
دیاره ههر ژ كهڤندا ئاسهوارێن شهرو مل ملانێ بوَ بندهستی و ئازادیێ ههبوونه و بێگومان ههموو گاڤهكێ شهرێ بێ بههركرنێ هاتیه كرن و ئهڤ چهنده ناهێته ڤهشارتن ل سهر ڤێ رێكێ گهلهك نهتهوه و گهلێن جیهانێ زیان و باجا ئازادی و سهربخوَیا گهل و وهلاتێ خوه بدهست ڤه ئینایه چنكو ههموو دهمهكێ خودانێ هێز و زهڤلهكا شیایه ئالیێ بێ دهسههلات تهپهسهر بكهت و دگهل ڤێ ژی پاشی بدهت ڤارێكرن ژ ههموو پێدڤیێن ژیان و ئازادیێ ژبهرهندێ دیاره سهرا ڤێ بهرزهكرنێ گهلهك ژ نهتهوهێن جیهانێ پهنا بریه خهبات و قوَربانیدانێ بوَ وێ سهروهریا گهلێ وان خهون پێڤه ددیتن، و گهلێ مه ژی ل سهر ڤێ چهندێ مێژوویهكا دوور و درێژ ههیه. ل سهر ئهوان رهنگێن زوَرداری و داپلۆسینا كو ژ لایێ دهسههلات و حوممهتێن عێراقێ یێن ئێك ل دووڤ ئێك ب سهرێ خهلكێ مه ئیناین و ئهڤا ههژی پێخهمهتی ماف و دوزا گهلێ كورد ژبهركو گهلێ مه داخازا ههبوون و جودابوونا خوه كرییه وهكو نهتهوهیهكێ جیاواز د ناڤ گهل و نیشتمانێ خوه دا وهكو تهڤایا نهتهوهێن دی ل جیهانێ رزگار و ئازاد بژین لێ بهروَڤاژی ههموو چاخهكی رێگری ل ئازادیا گهلێ مه كرینه و بهردهوام بزاڤ دكرن و ههموو شیانێن خوه دمهزاختن دا كوردا نهبن خودان كیان و سل سهر ئاخا كوردستانێ ربهست بژین. بۆ گهههشتنا ڤێ ئارمانجێ ژی بزاڤا ئازادیخازا گهلێ كورد نهراوهستایه و دیرۆك شاهدێ وێ بهرخودان وقوربانی دانێ یه و شۆڕهش و سهرهلدانێن ئێك ل دووڤ ئێك بێ راوهستان كرینه و ل سهر وێ بێ دادیا ل گهلێ مه دهاته كرن، بێ دهنگ نهمایه و ئهڤێ رژدیا ل بهرخوهدان و خوه ڕادهست نهكرنێ حكومهتا عێراقێ نهچار كرینه كو دان پێدانێ ب مافێن گهلێ بكهت و رێكهفتنا ئیمزا بكهت و گروَڤا ڤێ چهندێ رێكهفتنا (11)ئادارێ ل سالا(1970)ێ بهغدا و دهسههلاتا وێ نهچارببیت بهێته بن بارێ چارهسهریا كێشهیا كوردی و دان پێدانێ ب ههبوون و مافێ گهلێ مه بكهت. چونكه ئهڤاهه ئهگهرێن ئێك دهنگی و رێكخستنا ناف مالا كوردی بوویه بهلێ ئهگهر ئهو پیلانا نیڤ دهولهتی یا كو ل سالا(1975)ێ كو ناسیاره ب رێكهفتنا خیانهتكارا (جهزائیری )ژبوَ بهرژهوهندیێن دهولهتێن زل هێز و دهولهتێن دهڤهرێ نهبا بێگومان كورد بهرهف گاڤێن دهولهت بوونێ ڤه دچوون و ژبهرهندێ ههژییه مروَڤ بێژێت: ئهڤروَ باشترین دهلیڤهیه بوَ گهلێ مه هاتیه پێش و دیاره كاودان ژی دبهرههڤن و دگهل ڤێ ژی جڤاكێ نیڤ دهولهتی ژی ل پشت گهلێ مهیه بوَ ههر بڕیارهكا سهركرداتیا سیاسیا كوردستانێ ددهت، چنكو گهلێ كورد بۆ جڤاكێ نیڤ دهولهتی چهسپاند دبیاڤێ خوه برێڤهبرن و پێكڤهژیانا ههموو ئول و نهتهویان و سهرباری پراكتیزهكرنا سیستهمێ دیمۆكراتی ل كوردستانێ ژبلی ئیسرائیلێ تاقه وهلاته ل رۆژههلاتا ناڤین ئهڤ پرهنسیبێن مه ل ژوور ئانین پهیاده دكهت و ئهڤهژی وێ دگههینت كو ههرێما كوردستانێ پێنگاڤێن باش د وان واران دا هاڤێتنه كو دبنه گهرهنتیا ب دهستڤه ئینانا متمانا جڤاكێ نیڤ نهتهوی بۆ داخازێن گهلێ كورد. د ڤی كاودانێ رۆژههلاتا ناڤین تێدا دبوورت ژ خۆرتبوونا پێلا شهرێ تائیفی و ب تایبهت پشتی داعش وهكو هێزهكا تیرۆرا پر تۆكمه و دڕنده و دامهزراندنا دهولهتا ب ناڤ ئیسلامی ل عێراق و سووریا و بوویه گهفكا جدی ل سهر ئاسایشا ناڤ نهتهوی. بۆ بهرهنگاربوونا ڤێ هێزا تیرۆرست ئهڤرۆ ههڤپهیمانیهكا ناڤ نهتهوی هاتیه دامهزراندن و د ڤێ ههڤ پهیمانیێ دا رۆلێ كوردان یێ بهرچاڤه و ب لهههنگیا پێشمهرگههێ كوردستانێ ئهفسانا داعشێ هاته پهلخاندن و پێشكهرگههی كونه مشك ل داعشان كرینه قهیسهری و جیهان ب حێبهتی ڤه ل قههرهمانیا پێشمهرگههێنكوردستانێ مێزه دكهت. داعشێ بهلانسا هێزێ ل رۆژههلاتا ناڤین گوهارت و بوویه سهدهم بۆ دروست بوونا دوو بهرهیان و خوهش بهختانه ب حكمهتا جهنابێ سهرۆك بارزانی ئهم ل بهرهیا دژی تیرۆرێ راوهستیاینه و بهلكو ل سهر عهردی ئهم هێزا یهكهمینین ل ههمبهر داعشێ راوهستاین و هێزا داعشێ ژ هێرشبرنێ بۆ پاشڤه كشانێ نهچار كرین. مه ل ژوور بهحسێ پشتهڤانیا جیهانا ئازاد بۆ داخازێن گهلێ كورد كر و ئهڤه ژی ب ئهنجامێ وێ خهباتا دیبلۆماسیا سهرۆكێ ههرێمێ بۆ ب دهستڤه ئینانا وێ پیشتهڤانیێ ئهنجامدای و ههروهسا سیاسهتا ناڤخوه یا سهركهفتی و راوهستاندنا هێرشێن داعش و تێكشكاندنا هێزا وێ. د ڤی كاودانێ رێ خوهشكهر بۆ ڕاگههاندنا دهولهتا كوردی فهربخواستن ههموو ئالێن سیاسی بیر ل رابردوو ئهو نههامهتێن بسهرێ گهلێ كورد هاتین بك ئهم ل دیرۆكا(دوهی یا) خهباتا نهتهوا كورد مێزه بكهین دێ بینین تهڤ سهركهفتنێن مه ههموو ژ ئهنجامێ ئێكرێزیا ناڤمالا كورد بوویه و بهرۆڤاژی ههر راسته لهوا فهره تهڤ لایهنێن سیاسی یێن كوردستانی بزاڤێن ئێكرێزیا ناڤ مالا كورد بكهن و ل بن سهركراتیا سهرۆكێ ههرێمێ رێزدار مهسعود بارزانی بۆ دهرباز بوون ژ ڤێ قۆناغێ چنكو كوردستان یا دقۆناغهكا ههستیار دا دبوورت و ههموو كێشێن ناڤخوهیی و قانوونی بهێنه پاش خستن بۆ قۆناغا پشتی داعش و ڕاگههاندنا دهولهتا كوردی و ئهگهر نه مهترسیا ژ دهستدانا تهڤ دهستكهفتیێن مه بۆ ئهڤرۆ و سوَبههیا مه رۆژ بۆ رۆژێ دێ مهزنتر لێهێن.
