چۆمسکی داخوازەکێ بۆ کوردان ژ ئەردۆگان دکەت
ئەڤرۆ نیوز:
زانایێ ناڤدارێ ئەمریکی نۆم چومسکی د داخۆیانیەکێ دا راگەھاند کو نھا شەرەکی گەلەک دژوار ل ھندەک باژێرێن باکورێ کوردستانێ ب تایبەتی ژی ل سورێ و جزیرێ ھەیە و ژ بەر شەری گەلەک کەسێن مەدەنی ھاتنە کوشتن و رەوشا وان باژێرکان گەلەک خرابە و خەلک نەچار دمینن کو کۆچبەر بن و ئەو یەک براستی ژی خەمەکا مەزنە و دێ رەوشا تورکیا ژی ب گشتی ئالۆز بیت و گۆت: (بەری نھا ل تورکیا قۆناغا ئاشتیێ ھەبوو و شەر ھاتبوو راگرتن، لێ جارەکا دی شەری دەستپێ کریە کو مخابن ڤێجارێ شەر کەڤتیە ناڤ باژێران و خەلکێ مەدەنی دبیتە قوربانی).
زانایێ ناڤدارێ ئەمریکی د پشکەکا دی یا ئاخڤتنا خوە دا ئەو یەک ژی دیار کر کو ئەزموونێن چەندین سالێن بۆری ل تورکیا نیشا ددەن کو پرسا کوردی ل تورکیا ب شەری چارە نابیت و ژ بەر ھندێ من بەری نھا نامە بۆ سەرۆک کۆمار و سەرۆک وەزیرێن تورکیا ھنارتینە و ئەز جارەکا دی داخوازێ ژ وان دکەم کو شەری بدەنە راگرتن و پرسا کوردی دوور ژ شەری و ب رێیا دانوستاندنان چارە بکەن و گۆت: (دڤێت بەرپرسێن تورکیا ب تایبەتی ژی سەرۆک کۆمار ئەردۆگان باش بزانیت ھەکە ئەو پرسا کوردی چارە بکەن دێ تورکیا گەلەک ب ھێز بیت و ب شەری تورکیا نەشێت ببیتە وەلاتەک ب ھێز و کاریگەر ل رۆژھەلاتا ناڤین).
