بەغدا چ پارەی نادەتە ھەرێما کوردستانێ
ئەڤرۆ نیوز:
پەرلەمانتارەکا کورد ل بەغدا رەت کر حوکمەتا عیراقێ پشکا پێشمەرگەی ژ میزانیا وەزارەتا بەڕەڤانیا عیراقێ فڕێکەت و تنێ رێکەفتن ھاتیەکرن کۆمبوون ل سەر ئاستێ بلند بەردەوام بن و گۆت “بەغدا چ سۆزێن ھنارتنا پارەی نەداینە شاندێ ھەرێما کوردستانێ، کو رۆژێن بۆری سەرەدانا بەغدا کری”.
دکتۆر ئەشواق جاف، پەرەلەمانتارا پارتی دیمۆکراتی کوردستان بۆ رۆژناما ئەڤرۆ گۆت “ئێک ژ پرسێن شاندێ بلندێ ھەرێما کوردستانێ دگەل سەرۆک وەزیرێن بەغدا دانوستان ل دۆر کری پرسا بودجە و مووچێ ھێزێن پێشمەرگەیە، کو پێشمەرگە د شەڕەکێ گراندایە ل ھەمبەر تیرۆرستێن داعش و حوکمەتا عیراقێ ل میزانیا وەزارەتا بەرەڤانیا عیراقێ ئیمتیازاتێن پێشمەرگەی نامەزێخیت، بەلێ بەحسێ ھێزێن پێشمەرگەی د چوارچوڤێ پرسێن ئەمنی دا ھاتیە بەحسکرن، ب تایبەتی ھەماھەنگیا ناڤبەرا فیدڕال و ھەرێمێ بۆ بەرھنگاربوونا گروپا تیرۆرستیا داعش و عیراقێ چ سۆز نەداینە بۆ ھنارتنا پشکا پێشمەرگەی ل وەزارەتا بەڕەڤانیا عیراقێ”.
ئەشواقێ گۆت ژی “من پێزانین ژ ئەندامێن شاندێ بلندێ ھەرێما کوردستانێ وەرگرتینە و ب چ شێوەیەکی سۆزێن ھنارتنا چ پارەیەکی بۆ شاندێ ھەرێمێ نەھاتیەدان، بەلێ ھەردولا رێکەفتینە کۆمبوونێن ناڤبەرا ھەولێر و بەغدا ل سەر ئاستێ بلند بەردەوام بن بۆ چارەسەرکرنا ئاریشێن د ناڤبەرا ھەردو ئالیان دا، چونکو ھەماھەنگی دڤێت د بیاڤێ سەربازی دا ھەبیت بۆ بەرەنگاربوونا تیرۆرستێن داعش”.
