سه‌خته‌كارى د فورمێن ئاهێن خوارنێ دا دهێنه كرن
ئه‌ڤرۆ نيوز:
ئه‌ندامه‌كێ لژنا قانوونى ئاشكه‌را دكه‌ت كو هنده‌ك لايه‌ن سه‌خته‌كاريێ د فورمێن ئاهێن خوارنێ يێن وه‌لاتيان دا دكه‌ن بۆ هه‌لبژارتن و ژمارا وه‌لاتيان ب ره‌نگه‌كێ نه‌يێ قانوونى زێده بوويه.
حه‌سه‌ن تۆڕان، ئه‌ندامێ لژنا قانوونى ل جڤاتا نوونه‌رێن عيراقێ د كۆنگره‌كێ رۆژنامه‌ڤانى دا راگه‌هاند: ژ ئه‌گه‌رێ خرابيا كاودانێن ئه‌منى و سياسى ب ره‌نگه‌كێ به‌رچاڤ ژمارا وه‌لاتيێن عيراقێ زێده كريه و ئه‌ڤه جهێ گۆمانێ يه.
تۆڕان گۆت: “رێژا وه‌لاتيان 5% زێده كريه، ئه‌و رێژا زێده ژى ل چو وه‌لاتێن جيهانيێ يێن دونيايێ نينه و هه‌ڤدژى وێ چه‌ندێ ژى پيڤه‌رێن ژمارێن خۆجهايه”.
ئه‌و ئێك ژى ئاشكه‌را كر كو د د ده‌مه‌كى كاودانێن ئه‌منى يێن شه‌ر و كوشتنێ و ژماره‌كا زۆرا وه‌لاتيان دمرن، به‌لێ ناڤێن وان د تۆمارێن ده‌نگه‌ران و فورمێن ئاهێن خوارنێ دا يێن هه‌ين، هه‌ڤدژى ڤێ چه‌ندێ ژمارا وه‌لاتيان ب ره‌نگه‌كێ نه‌يێ قانوونى زێده دبن.
حه‌سه‌ن تۆڕان داخواز ژ حوكمه‌ت و لايه‌نێن په‌يوه‌نديدار كر كو كارێ جدى بكه‌ن بۆ رێگريگرتن ل سه‌خته‌كاريكرنێ د فورمێن ئاهێن خوارنێ دا و زيانگه‌هاندنێ ب پرۆسه‌يا سياسى.
