هشيارێ ڤێ مه‌ترسيا ئايفۆنێ بن
ئه‌ڤرۆ نيوز:
رۆژناما “زه گارديان” يا بريتانى د راپۆرته‌كا خوه دا ئاشكه‌را كر كو هه‌ر بكارئينه‌ره‌كێ ئايفۆنێ بڤێت به‌روارێ مۆبايلا خوه بۆ مێژوويه‌كا دياركرى ب گوهۆڕيت دێ ژ كار كه‌ڤيت و جاره‌كا دى كارناكه‌ته‌ڤه.
ئه‌ڤ كێشه‌يه روو دا، ده‌ما گه‌نجه‌كێ ئه‌مريكى ڤيايى مێژوويا مۆبايلا خوه بۆ 1\1\1970ێ ڤه‌گه‌رينيت، به‌لێ ئايفۆنا وى هاته گرتن و جاره‌كا دى نه‌ڤه‌بوو ڤه.
پشتى به‌لاڤبوونا ڤێ روودانێ، چه‌ندين كه‌سێن دى ژى ئه‌ڤ تاقيكرنه ل سه‌ر مۆبايلێن خوه يێن ئايفۆن ئه‌نجام دا، به‌لێ هه‌مان كێشه ب سه‌ر وان ژى هات و جاره‌كا دى مۆبايلێن وان كار نه‌كره‌ڤه.
هه‌موو ئه‌و مۆبايلێن ئايفۆن يێن IOS 8 و د سه‌ر دا كار دكه‌ن ئه‌ڤ كێشه هه‌يه ل گه‌ل iphone 5s و iPad Air و iPad Mini 2 ئه‌ڤ كێشه يا هه‌ى.
هه‌ر ب گۆره‌ى راپۆرتا ڤێ رۆژنامێ، هه‌تا نوكه كۆمپانيا ئه‌پل كو كۆمپانيا به‌رهه‌مئينه‌را ڤێ مۆبايلێ يه، چو روونكرن ل سه‌ر ڤى بابه‌تى رانه‌گه‌هاندينه.
