راگه‌هاندنه‌كا ب له‌ز ژ وه‌زاره‌تا دارايى و ئابوورى
ئه‌ڤرۆ نيوز:
وه‌زاره‌تا دارايى و ئابوورى يا حوكمه‌تا هه‌رێما كوردستانێ بڕياره ل ده‌رباره‌ى مه‌زاختيێن ترۆمبێلێن حوكمه‌تێ كو ل ده‌ف فه‌رمانبه‌رانه ده‌ركر و ته‌كست ل سه‌ر وێ چه‌ندێ كر كو ب چو ره‌نگه‌كى خه‌رجيێن ترۆمبێلێن ميرى د ستوويێ حوكمه‌تێ دا نينه، به‌لكو فه‌رمانبه‌ر ب خوه دڤێت خه‌رجيێن ترۆمبێلێ بێخيته ستوويێ خوه.
ب گۆره‌ى رێنمايێن ژماره 14 يێن وه‌زاره‌تا درايى و ئابوورى يا حوكمه‌تا هه‌رێما كوردستانێ ده‌رباره‌ى مه‌زاختيێ ترۆمبێلێن ميرى ده‌ركريه و ئاراسته‌ى وه‌زاره‌ت و فه‌رمانگه‌هان كريه و ئاماژه ب وێ چه‌ندێ كريه كو ئه‌و ترۆمبێلێن ميرى يێن ب سيسته‌مى خزمه‌تكاريا كه‌سى هاتينه دابينكرن د تايبه‌تن ب فه‌رمانبه‌رێن راژا شارستانى و كارمه‌ندێن له‌شكرى، ژ به‌ر هندێ خه‌رجيێ وان د ستوويێ وان دايه.
ب گۆره‌ى پێزانينێن نڤيسيارا وه‌زاره‌تا داراى، ئه‌و ترۆمبێلێن بۆ مه‌ره‌مى كه‌سى دابينكرى ژ لايێ حوكمه‌تێ ڤه، دێ ڤه‌گه‌رنه لايێ حوكمه‌تێ، دێ بۆ فه‌رمانگه‌هێ بن و نابيت ب مه‌ره‌ما خزمه‌تكاريێ ب كار بينن، ئه‌و فه‌رمانبه‌رێن ترۆمبێلێ ل ده‌ف خوه د هێلن، به‌رپرسن ژ هه‌موو سزا و مه‌زاختيان.
