عزه‌ت دورى ده‌ركه‌فته ڤه
ئه‌ڤرۆ نيوز:
پشتى بۆرينا ساله‌كێ ل سه‌ر راگه‌هاندنا كوشتنا عزه‌ت ئيبراهيم دورى، جێگرێ به‌رێ يێ سه‌دام حسێن د گرته‌يه‌كا ڤيديوى دا ده‌ركه‌فته ڤه.
عزه‌ت دورى د گرته‌يه‌كا ڤيديوى دا كو بۆ كه‌نالێ عه‌ره‌بيه هنارتيه، تێدا ب جلكێن له‌شكرى ده‌ردكه‌ڤيت و به‌ياننامه‌كێ دخوينت و ب سيمايێ وى يێ دياره كو ئه‌و ب خوه‌يه.
دورى هێرش كره سه‌ر پێشكه‌فتنێن ئيرانێ د ناڤ ئاخا عيراقێ دا و داخوازێ دكه‌ت به‌ره‌يه‌كێ هه‌ڤپه‌يمانيێ دژى وى وه‌لاتێ هه‌ڤسۆ و نه‌يار ل عيراقێ پێك بينن.
ئاماژێ ب وێ چه‌ندێ ژى دكه‌ت كو هه‌كه عيراق ژ ڤێ ره‌وشێ نه‌هێته رزگاركرن، ئه‌مريكا ژێ به‌رپرسه، داخواز كر كو هه‌موو وه‌لاتێن عه‌ره‌بى بچنه به‌ره‌يێ وێ هه‌ڤپه‌يمانيا وه‌لاتێ سعوديێ پێكئيناى.
