سه‌در گه‌هشت و خوه‌نيشاندنان ل به‌ر ڤان چار وه‌زاره‌تان ده‌سپێكر
ئه‌ڤرۆ نيوز:
خونيشاندانێن به‌غدا ل ژێر داخوازا موقته‌دا سه‌در د به‌رده‌وامن و ئه‌ڤرۆ ژى ل به‌ر چار وه‌زاره‌تێن گرنگ يێن كۆم بووين.
ده‌زگه‌هێن راگه‌هاندنا عيراقى ئاشكه‌را كرن كرن و كو پشته‌ڤانێن سه‌در ئه‌ڤرۆ رۆژا دوشه‌مبى ژى به‌رده‌وامى دانه خۆنيشاندانێن خوه و ل به‌ر ده‌رێ هه‌ر ئێك ژ وه‌زاره‌تێن كار و داد و ژده‌رڤه و داراى كۆمبوون و خواست كو وه‌زيرێن وان ده‌ست ژ كار بكێشن و كه‌سانێن گه‌نده‌لكار ژى بهێنه سزادان.
هه‌ر ب گۆره‌ى وان ژێده‌ران هێزێن ئه‌منى يێن زۆر ژى ل ده‌رڤه‌ى ده‌ڤه‌را كه‌س ل به‌غدا كۆمبووينه و هه‌ڤده‌م تانك و زريپۆش ژى ل گه‌ل وان هێزا هه‌نه و د ئاماده‌باشيێ دانه.
ئاماژێ ب وێ چه‌ندێ ژى دكه‌ن كو شڤێدى دره‌نگى شه‌ڤ ژى موقته‌دا سه‌در سه‌رۆكێ ته‌ڤگه‌را سه‌در گه‌هشتيه كازميه يا به‌غدا و هه‌كه كاودان د باش بن دێ گۆتاره‌كێ پێشكێش كه‌ت.
