بلا ریفراندۆم ژ دهرڤهى ململانێ بیت
دۆزا سهرخوهبوونا كوردستانێ و ریفراندۆمێ دۆزهكا نهتهوهى و نشتیمانى یه و خهونهكا كهڤنار و دێرین و پیرۆزا ههر تاكهكێ كورده پترى سهد سالانه گهلهك خهونێ پێڤه دبینن و قوربانێن مهزن ژێرا هاتینه دان، رووبارێن خوینێ هاتینه رێشتن، باژار و گوند و گوندهوار كاڤل و وێران بووینه، ژبۆ ڤێ خهونێ ب سهدان خورتێن كورد هاتینه ب دارڤهكرن و خلفا وهریسان راموساینه، ب دههان د ژێر ئهشكهنجێ دا گیانێ پیرۆز هندا كرینه و جهرگێن دایكان شهوتینه.
هزرا ریفراندۆمێ و و كوردستانێ دیتن و پێشنیارا كهسهكى یان ئالیهكێ دهستنیشانكرى نینه، ئهڤه دۆزا گهلهكێ پێنجى ملیۆنی یه و گرێداى پێشهرۆژا ههموو كوردایه و ئهڤه خواست و حهز و ئیرادا مللهتهكى یه دڤێت رێز لێ وهره گرتن، ب دیتنا من ب چ سهدهم و بهانه بن خوه ڤهدزین یان پشتگیرى نهكرنا ڤێ دۆزێ ل گۆر ههموو پیڤهران دكهڤیته چارچوڤێ خیانهتا بوكه، ئانكو خیانهتا گهل و وهلاتی. ئهشكرایه كهس نینه نزانیت كو ئیرۆ رهوشا سیاسى ل ههرێما كوردستانێ رهوشهك نه ل باره و وهكو پێشچاڤ گوتارا كوردى یهك نینه، بهلكو ناكۆكى و ئالۆزیێن ناڤخۆیی ههنه و تێكلیێن نێڤبهرا پارتیێن كوردى و ئالیێن سیاسى وهكو پێدڤى نینه، دیسان كهس نینه كو نزانیت ئیرۆ ههرێما كوردستانێ د شهڕهكێ ههرى دژوار دایه ل گهل دهولهتا خیلافهتا ئیسلامى ل عیراقێ و شامێ، ژ وێژى كلێزتر ئهو كریزا دارایى یه یا ئهڤ ههرێمه تێده دهرباز دبیت، بهلێ ل ههمبهر ڤێ ژى هندهك خالێن پۆزهتیڤ و د بهرژهوهندا كوردان دا ههنه ژ وانان:
سهد سالیا ل ههڤهاتنا سایكس پیكۆ ب داوى هات كو ب ئهگهرێ ڤێ ل ههڤهاتنێ ب سهدان هزار كهس بوونه قوربان و بهلكو گهلهكێ پێنجى ملیۆنى ب ئاخ و سهروهت و سامانێ خوه ڤه بوویه قوربان د ڤێ سایكس پیكۆیێ دا ب نهدادوهرانه گهلهكى كهڤنارێ ل سهر ئاخا خوه كو ل وى دهمى د نێڤبهرا (750ههتا 2 ملیۆن) ئاكنجیان بوون هاته پارچهكرن و وهكى میرات ل سهر گهلان هاته بهلاڤكرن كو كوردستانه و د ههمبهری دا (20هزار ههتا 50 هزار) ئاكنجى ل كوێتێ و لبنانێ كرنه دهولهت و بوونه ئهندام د كۆما گهلان دا، بهلێ ئیرۆ ل سهد سالیا ڤێ رێككهفتنا دوور ژ وژدانێ و ههموو ئهتهكێتێن مرۆڤایهتیێ و رهش یا ژ ئالیێ تهڤایا گهلێ كورد ڤه تێ پروتهستو و شهرمزار كرن گرژبوون فیستیڤالێن پروتهستویێ یێن تێنه گێران و كور و سمینار تێنه ل دارخستن ئهژى ژبۆ نههێلان و ژ ناڤبرنا ڤێ ل ههڤهاتنێ و توخویبێن دهستكردێن هاتینه دهینان و جهێ دلخوهشیێ یه قهت رۆژهكێ گهلێ كورد ئهڤ توخویبێن سایكس پیكویێ ناس نهكرینه و دانپێدان ژى قێ نهكرینه ههروهها ههرێما كوردستانێ وهك دیفاكتو ئیرۆ دهولهتهكا سهربخوهیه تنێ راگههاندن مایه و جڤاكێ نێڤدهولهتى لێ موكر وهره چونكى ژ بهارا سالا 1991ێ وهره ئهڤ ههرێمه خوه برێڤه دبهت نزانم گرێدانا وێ ب عیراقهكا عهرهبی ڤه چى حیكمهتهك بۆ ههیه یا چ جۆره فهلسهفهیهكه تنێ دا هزرا خوه د ڤێ خالێ دا بكین گرێدانا ههرێما كوردستانێ مانه ژ ئهگهرێ ههبوونا ڤان دو خالانه؟؟ (ئهو ژى ئالیێ ئاسایشێ و پاراستنا ههرێمێ و ئالیێ داراى) نها عیراقێ بودجهیا پێشمهرگهى و خهرجێن وى یێن برین و مههانه یێن فهرمانبهرێن ههرێما كوردستانێ یا برى ئانكو عیراق ب خوه ئامرازێن پێكڤهژیانێ یێن برین ئانكو عیراق و حكومهتێ رێزدا وێ یا ب شێوهیهك نهراستهوخۆ دبێژیته كوردان ژ مه ڤهبن و چهندین مهسجێن ب ئهڤێ رامانێ شاندینه خالهكا گرنگا دن دڤێ ل پێش چاڤ وهره وهرگرتن: ئیرۆ كورد ل جیهانێ ناڤدار بووینه و هاتینه نیاسین كو تهنها هێزه كاریه ههیبهتا دهولهتا ئیسلامى داعشێ بشكێنیت ئهڤه ژى تشتهكێ ههرى گرنگه، دیسان ب رێكا تێكلیان و ل سهر چ ئاستبه كورد وهكو قوربانێن لیستكێن نێڤدهولهتى و زلهێزان هاتینه نیشاندان و سوزداریا تهخهكا باش ژ خهلكێن جیهانێ ژبۆ ئالیێ كوردان هاتیه كێشان و ئاشناى دۆزا رهوایا وان بووینه و دۆز بۆ وان رۆهن و زهلال بوویه.
ل ڤێره نابیت ئهم خالێن نێگهتیف و كاریگهر ژبیر بكهین و دڤیا حهساب ژڤان خالانرا وهره كرن و ب هشیارى و زانهبوون ل بهرچاڤ وهرن وهرگرتن لێ خالێن پۆزهتیف پترن، لێ ب هێزترن لهورا ئیرۆ دهرفهت ههیه كو كورد ببنه خودان كیانهكێ سهربخوه و ل ئاخا خوه خوهدى دهركهڤیت و ل جیهانێ ژى و ب تایبهت ل رۆژههلاتا ناڤین ببه نمرهیهكا ئاسێ و حساب بۆ وهره كرن ئهڤ پرسه ژى نهیا وێ یه كو مۆلهت و دهستویرى ژ خهلكهكێ وهره وهرگرتن، ئهڤه چاره نڤیسێ گهلهكێ یه و ئیرادا وى یه نزانم چما پێنگاڤێن پراكتیك ناهێنه هاڤێتن؟ تنێ یا بوویه بابهتێ مهدیایێ و پێخوارنا مهدیاكاران و شرۆڤهكارێن سیاسى ئهگهر ئهم ل بهندێ بین ئهمهریكا یان ژى رۆسیا یان ژى دهولهتێن كوردستان داگیر كرین بێژنه مه وهرن ریفراندۆمێ ئهنجام بدهن و ل دیڤدا دهولهتا خوه راگههینن ئهڤه قهت رۆژهكێ نابیت. بلا ئهم وهكو كورد و سهركردایهتیا كوردى ژبیر نهكهین كو راگههاندنا سهرخوهبوونێ بێ قوربانى نابیت ههر هچ نهبیت دڤێ ل وى چاخى حسابهك مهزن ژبۆ توركیا و حكومهتا ئاكهپێ وهرهكرن چونكى دوژمنێ ههرى سهرسهختێ دیرۆكى یێ گهلێ كورده و ئهوا ژێبێ وێ بكه، بهلێ خوشبهختانه گهلێ كورد ژ پیخهمهتى دهولهتا كوردى بهرههڤه ههموو قوربانیان بدهت و بلا سهركردایهتیا كوردى گومانا وێ یهكێ نهبیت.
ل داویێ دخوازم بێژم ل گورهى دووڤچوونێن من ل سهر بابهتێ ریفراندۆمێ و سهرخوهبوونا كوردستانێ ئهو كوردێ نه مفادار ژى ژ ڤێ ئهزموونێ، بهلكو كوردێن د دهمێ رژێما بهعس دا خوهدى بهرژهوهندى و مفادار ژى ئیرۆ پر ب گهرمى و پهروش دخوازن ریفراندۆم وهره ئهنجامدان و دهنگ ب بهلێ ژبۆ سهرخوهبوونێ بدهن.
مانشێت: ههكه ل بهندێ بین ئهمهریكا و رۆسیا بێژنه مه وهرن ریفراندۆمێ ئهنجام بدهن ئهڤه قهت رۆژهكێ نابیت.
