21 رێکخراو کو چار یێن دھۆکێ نە ھاتنە راگرتن
ئەڤرۆ نیوز:
د نڤیسارەکا فەرمانگەھا رێکخراوێن نەحکومی دا کو بۆ جڤاتا وەزیران یا حوکمەتا ھەرێما کوردستانێ ھاتیە بلندکرن تێدا ناڤێن 21 رێکخراو و دەزگەھێن نەحکومی ھاتیە کو نابیت ب چو رەنگان ئەڤ رێکخراوە کار بکەن.
د ناڤ وێ لیستا ناڤێن رێکخراون دا چار یێن دھۆکێ نە و شەش یێن پارێزگەھا نەینەوا نە و سێ یێن کەرکووکێ نە و یێن دی ژی یێن بەغدا و پارێزگەھێن دی یێن عیراقێ نە و د ھەمان نڤیسار دا ھاتیە پشتی نڤیسارا ئەمینداریا گشتی یا جڤاتا وەزیران و نڤیسارا نوونەراتیا بەغدا یا حوکمەتا ھەرێما کوردستانێ و لیستەکا ھەڤپێچ یا ناڤێن 21 رێکخراو و دەزگەھێن نەحکومی ھاتیە کو نابیت ب چو رەنگان رێ ب وان بھێتەدان کو کارێن رێکخراوەی بکەن و ھەروەسا نابیت سەرەدەریی د گەل بھێتەکرن وەک رێکخراو و داخواز ژ جڤاتا وەزیران ھاتیەکرن کو ئەڤ نڤیسارە بھێتە گشتاندن ل سەر ھەموو دامو دەزگەھێن حکومی.
