فه‌رمانده‌كێ پێشمه‌رگه‌ى يێ خه‌لكێ دهۆكێ شه‌هيد بوو
ئه‌ڤرۆ نيوز:
ژ ئه‌نجامێ په‌قينه‌كێ ل ميحوه‌رێ خازرى فه‌رمانده‌كێ پێشمه‌رگه‌ى شه‌هيد بوو و چار پێشمه‌رگه ژى بريندار بوون.
رائيد جه‌مال به‌روارى، فه‌رماندێ هێزا مرنێ ژ هێزێن پێشمه‌رگێ كوردستانێ راگه‌هاند: “ده‌مژمێر 10:30 ده‌قيقه‌ى به‌رى نيڤرۆيا ئه‌ڤرۆ بۆمبه‌كا چاندنى يا چه‌كدارێن داعش ل ميحوه‌رێ خازر ب هێزێن پێشمه‌رگه‌ى ڤه په‌قى”.
رائيد جه‌مال گۆتژى: “د ده‌مه‌كى دا كو هێزێن پێشمه‌رگه‌ى مژوولى هه‌لگرتنا گوله‌يێن توپێن چه‌كدارێن داعش بوون ل گۆنده‌كێ نێزيك حه‌مدانيێ ل ميحوه‌رێ خازر د وى ده‌مى دا بۆمبه‌ك پێڤه په‌قى”.
فه‌رماندێ هێزا مرنێ يا پێشمه‌رگه‌ى گۆت: “د ئه‌نجامێ ڤێ ته‌قينێ دا عه‌قيد عه‌بدولا سيارى فه‌رمانده ل ليوا 12 يا هێزێن پێشمه‌رگێ كوردستانێ شه‌هيد بوو و چار پێشمه‌رگه‌ى ژى بريندار بوون”.