ده‌ميرتاش جاره‌كا دى چو لايێ سه‌رۆك بارزانى
ئه‌ڤرۆ نيوز:
شاندێ پارتى ديموكراتى گه‌لان HDP ب سه‌رۆكاتيا سه‌لاحه‌دين ده‌ميرتاش، جاره‌كا دى سه‌ره‌دانا پيرمام كر و نوكه ل گه‌ل مه‌سعود بارزانى، سه‌رۆكێ هه‌رێما كوردستانێ يێ د كۆمبوونێ دا.
سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ و شاندێ پارتيا وى رۆژا چارشه‌مبى 22ى ئيلۆنا 2016ێ گه‌هشتينه باژێرێ هه‌ولێر و د ويستگه‌هێ خوه يێ ئێكێ دا سه‌ره‌دانا بارزانى كربوو و پاشان ژى سه‌ره‌دانا هه‌موو لايه‌نێن پشكدار د حوكمه‌تێ دا كريه.
ژبلى بارزانى، شاندێ هه‌ده‌پێ سه‌ره‌دانا به‌رهه‌م سالح جێگرێ سكرتێرێ گشتيێ ئێكه‌تى نشتيمانى كوردستان، مه‌كته‌با سياسى يا پارتى ديموكراتى كوردستان، نێچيرڤان بارزانى، سه‌رۆك وه‌زيرێ هه‌رێما كوردستانێ، سه‌لاحه‌دين بهائه‌دين ئه‌ميندارێ گشتيێ ئێكگرتوو ئيسلامى كوردستان، عه‌لى باپير ئميرێ كۆمه‌لا ئيسلامى كوردستان، نه‌جمه‌دين كه‌ريم پارێزگارێ كه‌ركووك، مام جه‌لال سكرتێرێ گشتيێ ئێكه‌تى نشتيمانى كوردستان، كوسره‌ت ره‌سۆل جێگرێ سكرتێرێ گشتيێ ئێكه‌تى نشتيمانى كوردستان، مه‌كته‌با سياسى يا ئێكه‌تيێ، بزاڤا گۆڕان، يوسف محه‌مه‌د كريه.