ب تنێ سهرۆكێ دهولهتمهدار دشێت بریارێن چاره نڤیساز بدهت
ژ رۆژا پهیدابوونا مرۆڤایهتى یێ و ههتا ئهڤرۆ، مرۆڤى بهردهوام بزاڤ كریه و قوربانى دایه داكو ئازاد ببیت ب تایبهتى د بریاردانێ دا، لێ كهسێن هزرمهند و شارهزا گههشتینه وێ باوهریێ، كو مێژوویا بریاردانا مرۆڤى ژ بۆ ئازادیێ ڤهدگهریت بۆ سهردهمێ دهسههلاتدارى یا ئیمبراتۆریا رۆمانى، ل دهمێ كو قوستهنتین بریارا جودابوونێ ژ ئیمبراتۆریا رۆمانى داى و ئیمبراتۆریا بیزهنتینى ئاڤا كرى و ههموو یاسا و بریار و خواست و دهستههلاتدارى یا ڤێ ئیمبراتۆریێ كهڤته دهستێن خهلكێ وێ و ئازاد بوون، پاشى قووناغ بۆ قووناغێ ههتا دگههیته ئهڤرۆ گهۆرینێن جۆرا و جۆر دروست بوون ل سهر تێگهه و هزركرنا مرۆڤى ژبۆ ئازادیێ و یا ئاشكرایه د مێژوویا مرۆڤایهتیێ دا ههموو كهسان یان ههموو سهركردان وێرهكى یا بریاردانێ نینه، لێ ل رۆژێن بهرتهنگ و ب زهحمهت سهركردێن وێرهك و سهرۆكێن دهولهتمهدار و كارێزما دیار دبن و دبنه خودانێن بریارێن گرنگ و ژبن بریار و ئیرادا پارتایهتى یێ و پارتێن سیاسى تێنه دهر، ئهو ژى ئهو كهسن یێن كو هێزا ئیرادا خوه ژ مللهتێن خوه وهردگرن و دیسان خهما كهسێن دهولهتمهدار خهما گهل و وهلاتى و خۆشكرنا ژیار و ژیانا نهڤیێن داهاتى یه، دیسان ههموو شههرهزا و چاڤدێرێن سیاسى ل سهر وارێ دهستههلاتداریێ د ناڤا جڤاكێن دیموكراسى دا گههشتینه وێ باوهریێ كو دهستههلاتدارى پێدڤى ب كهسایهتى، یان سهرۆكێن دهولهتمهداره، دا كو بشێت بریارێن گرنك و چارهنڤیس بدهت. ههر وهكو بریاردانا (دیگول)ى ل سالا ( 1946) ب پشتهڤانى یا مللهتێ فرهنسا وهلاتێ خوه ئازاد كر و رادهستى كۆمارا چارێ كر و (دیگول)ى خوه ل هیڤیا بریارێن پارتێن سیاسى نهگرت كانێ دێ بریارا ئهرێ یان نهرێ دهن.
دیسان ل كوردستانێ ژى دهمێ كو تیرۆرستێن داعش هێرش ئینایه سهر گهلێ كورد، (سهرۆك بارزانى) خوه ل هیڤى یا بریارا پارتێن سیاسى نهگرت كانێ دێ چ جۆرێ بریارێ دهن، جهنابێ وى بریار دا ئێكسهر كۆچكا سهرۆكاتیێ ڤهگوهێزیته بهروكێن شهرى و وهكو پێشمهرگهیهك و راستهوخۆ سهرپهرشتى یا بهروكێن شهرى كر و دژى تیرۆرستێن داعش ژبۆ بهرهڤانیكرن ژ ئاخ و ئاڤ و كهرامهتا خهلكێ كوردستانێ و شهرێ مان و نهمانێ راگههاند و بۆ مێژوویێ ل رۆژا داعش هێرش كریه سهر كوردستانێ، ژبلى (مهسعود بارزانى) هیچ سهركردهیهكى ل ڤێ جیهانێ ئهو وێرهكى نهبوو كو بریارا شهرى بدهت دژى تیرۆرستێن داعش، چونكه تهكتیكا ڤى جۆره شهرى هیچ دهولهتهكێ شارهزایى ل سهر نهبوو و نهشیان بریارا شهرى بدهن و ب باوهرا من خهلكێ كوردستانێ ژى دزانیت ل ڤى وهلاتى كو كهسهك ههیه شیانا بریاردانێ یا ههى، ژبهر هندێ ژى ههموو خهلكێ كوردستانێ پشتهڤانى یا ستراتیجیهتا جهنابێ وى كر و ههتا ئهڤرۆ ژى هێزا شهرعیهتا بریاردانێ و پێشمهرگایهتى ژ پشتهڤانى یا خهلكێ كوردستانێ وهردگریت، دیسان ب ڤێ بریارێ ئهو سهرۆك ژى شیا ڤى بارودوخێ ئالۆز ههڤسهنگ بكهت و راگریت و كوردستانێ بكهته دهولهتهكا دیفاكتو یا نهراگههاندى، دیسان ههتا ئهڤرۆ ژى سهرۆك بارزانى وهكو سهرۆكهكێ دهولهتمهدار ب نوونهراتى یا گهلێ كوردستانێ یێ دهرگههێن ههموو دهولهتێن ههرێمى و جیهانا ئازاد دقوتیت داكو گرهنتیێ و دان پێدانانهكا دهولهتى ژ وان وهربگریت بۆ پشتهڤانى یا دهولهتا دیفاكتویا كوردستانێ یا تازه.
ژ لایهكێ دی ڤه سهرهدانا فهرمى یا سهرۆك بارزانى بۆ توركیا و دهولهتێن ئورۆپى ب مهرهما باسكرن ل سهر شێوازێ پهیوهندیێن ههرێمى و نێڤدهولهتى نه ب تنێ د وارێ لهشكرى و بهرهنگارى یا شهرێ تیرۆرستێن داعش دا، بهلكو باسكرن ل سهر پهیوهندیێن ئابوورى و بازرگانى و پێشڤهبرن و ئاڤهدانكرنێ و مافێن مرۆڤى و دیسان هاریكارى یا نێڤدهولهتى د وارێ ئاشتى و ئاساش و ئارامى یا نێڤنهتهوهى ل گهل دهولهتا تازه یا كوردستانێ یه. ههر وهسا دیاره كو ژ بهر سیاسهتا حهكیمانه یا سهرۆك و دهولتمهدارێ كوردستانێ (مسعود بارزانى)، دێ بهغدا ژى رازى بیت كو گهلێ كوردستانێ جودا ببیت ب رێكێن ئاشتیێ و بێى خوین رشتن، گرۆڤه ژى ل سهر ڤى بابهتێ ل دهمێ كو شاندێ ههرێما كوردستانێ ب سهرۆكاتى یا رێَزدار (نێچرڤان بارزانى) سهرهدانا بهغدا كرى بابهتێ گشت پرسیێ و سهربخۆیى یا كوردستانێ گرنگی ڤه بهحس كر و بهغدا ژى داخوازا پێكئینانا لیژنا كریه. ب بۆچوونا من پهیوهندیێن فهرمى ناڤبهرا ههرێما كوردستانێ و عیراقێ گهۆرینێن ب سهردا هاتین، پهیوهندیێن دابهشكرنا دهستههلاتا گهۆری یه بۆ پهیوهندیێن پرۆسا سهروهریا د ناڤبهرا ههردو وهڵاتان دا، دیسان نوكه عیراق و كوردستان ب كریار و دیفاكتو پرۆسا بریارێن سهروهریێ یێن شهر و ئاشتى یێ ل وان دهڤهرا برێڤه دبهن یێن كو ههر ئێك ژ عیراق و كوردستانێ دهستههلاتا خوه ل سهر ههیى و نموونه ژى ل دهمێ كو لهشكرێ عیراقێ هاتیه ههرێما كوردستانێ بۆ ئازادكرنا باژێرێ مووسل ب رككهڤتن د ناڤبهرا ههردو ئالیان دا هاته كوردستانێ ل دهڤهرا مهخموور یا ئاشكرایه كو عیراق ژى سهرهدهریێ ل گهل كوردستانێ دكهت وهكو دهولهتهكا نهراگههاندى، كهواته كوردستانێ شیان ههنه پرۆتۆكۆل و رێككهڤتنێن لهشكرى ل سهر ئاستێ ناڤخۆیى و ههرێمى و نێڤدهولهتى ئیمزا بكهت و ژ لایهكێ دی ڤه بۆ ههموو لایهكى رۆهن بوویه كو ئارمانجا سهرۆكێ ههرێما كوردستانێ بۆ راگههاندنا دهولهتا سهربخۆ ئهوه كو دهولهتهك بیت وهكو ههر دوهلهتهكا دى یا خودان سهروهرى بیت و ههموو پرهنسیپ و بنهمایێن نێڤدهولهتى ژ بۆ پاراستنا ئاسایشا نهتهوهیى یا ههڤسوى و دهورو بهران جێ بهجێ بكهت و هیچ پێشێلكاریهكێ بهرامبهر یاسایێن نێڤدهولهتى نهكهت.
