ب وێنه: ته‌رمێ دو وه‌لاتيێن دهۆكێ ل شنگال هاته ديتن
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ سپێدێ ته‌رمێ دو كه‌سێن خه‌لكێ دهۆكێ ل چيايێ شنگال هاته ديتن، پشتى بۆ ماوێ كێمتر ژ 24 ده‌مژمێران ژ ديارنه‌مانا وان.
ديوالى حه‌مێ بريندار، رێڤه‌به‌رێ رێڤه‌به‌ريا سه‌خبێريا رێك و پرا ل پارێزگه‌ها دهۆكێ بۆ ئه‌ڤرۆ نيوز گۆت: “دوهى دو كارمه‌ندێن رێڤه‌به‌ريا مه ل ده‌مێ چوونا سه‌ر كارى ل چيايێ شنگال ديار نه‌مان و پشتى لێگه‌ريانه‌كا زۆر ژ لايێ هه‌موو جهێن په‌يوه‌نديدار ڤه ئه‌ڤرۆ ته‌رمێن وان ل هه‌مان جهـ هاتينه ديتن”.
دا زانين ژى كو ته‌رمێن وان نوكه يێ ب رێڤه و بۆ نوشداريا داد دێ هێنه ره‌وانه‌كرن و گۆت: “ئه‌ڤه كاره‌كێ تيرۆرستى يه هه‌كه كێ ئه‌نجام دابيت، به‌لێ هێشتا نزانين ژ لايێ كێ ڤه هاتيه ئه‌نجام دان”.
ئه‌ڤه وێنێ شه‌هيد عه‌بدولمه‌ناف تاها چێى دوسكى ژوورى يه كو ئێك ژ وان كه‌سايه يێن دوهى ل ده‌مێ چوونا سه‌ركارى هاتيه ره‌ڤاندن و پاشان ئه‌ڤرۆ 2ى چريا ئێكێ ته‌رمێ وى هاتيه ديتن.
شه‌هيد وه‌يسى عه‌بدولا گابێركى مزوورى ل گه‌ل هه‌ڤالێ خوه بوو ل ده‌مێ چوونا سه‌ركارى ئه‌و ژى هاتيه ره‌ڤاندن و ته‌رمێ وى ژى ل گه‌ل هه‌ڤالێ وى سه‌رێ چيايێ شنگال هاتيه ديتن.
رێڤه‌به‌ريا سه‌خبێركرنا رێك و پرا ل گه‌ل ده‌سپێكرنا شه‌رێ دژى داعش به‌رده‌وام د سه‌نگه‌رێن به‌ره‌ڤانيێ دابوويه ژ بوو خۆشكرنا رێك و پرا و چێكرتا ساترێن پێشمه‌رگه‌ى.