چێكهر و سهركێشین گرۆپێن تیرۆرى عهرهبێن سـونى نه!
رهنگه ئهڤ بابهته بهرۆڤاژى بێته دیتن و خواندن، چونكی بهلكى ببیته جهێ پرسیارێ، لێ دڤێت بابهت ب سهرڤه نههێته دیتن و تێكڤهدان، ژبهركو چێ دبیت هندهك لێكدانێن جودا و جیاواز ل سهر ناڤهرۆكێ بێنه شرۆڤهكرن ژ بهركو ههر كهسهك د بیر و بۆچوونێن خوه دا یێ ئازاده و بێگومان دێ ههر ئێكى رۆنكرن و دیتنێنن خوه بۆ ههر بابهتهكى ههبن، بهلێ مه دڤێت بۆ پتر تێگههشتن ڤى بــابهتى زهلال بكهین، داكو خهلهت نههێته وهرگرتن كو نابێژین عهرهبێن سونى ب شێوهیهكێ گشتى ههڤال و پشتهڤانێن وان گرۆپێن تیرۆرى و داعشێ نه، چونكی عهرهبێن سونى ب خوه گهلهك ژێ بهر ڤێ ههوا تێچوون و كارهساتێن ڤان گرۆپا كهفتینه و ئهكید زهرهر و قوربانیێن بهرچاڤ ل ژێر سیبهرا ڤان ئایدۆلۆژیێن مرۆڤ كوژ دیتینه و ئهكید خهلكهكێ مرۆڤ ناس و بێ دهستههلات تووشى نههامهت و دهربهدهریێ بووینه، چونكی وهسا خوه دابوون نیشادان ههر كهسێ نه دگهل ئالا و درووشمێن وان بیت دێ تووشى كوشتن و سهربرینێ بیت، بهلێ وهك تێگهههكێ سیاسى دێ ئاخڤین و دڤێت هندهك راستى ل سهر بابهتى بهێنه گۆتن، ژبهركو د وارێ پراكتیكى دا ئهڤه هاتیه دیتن كو ئهڤرۆ گهلهك سهركرده و سیاسمهدارێن عهرهبێن سونى بۆ بهرژهوهندیێن خوه یێن تایبهت بووینه بارزگانێن كڕین و فرۆتنا وى خهلكێ ساده بۆ بهرهڤ رێكێن سهرداچوون خهلهتیێ گهرم كرینه بۆ هندێ پێژانێ ل پێگهه و دهسههلاتێن وان بكهن و بێگومان یێن كهتینه دووڤ هندهك یاریێن خوین بارینێ، داكو ل سهر كهڤلێن خهلكێ عیراقێ بژین، لهوا كاودان بهرهف ئاقارێن كاڤل كاریێ ڤه دچیت و دیاره كار گههانده وێ یهكێ بوونه رێخوشكهر و نیشاندهرێن ڤان گرۆپێن تیرۆرى و مرۆڤ كوژ و ئهڤه ژى ههمى بۆ وێ ڤالهتیا د گۆرهپانا عیراقێ دا پهیدا بووی دزڤریت، تاكو بشێن وان كهسێن ساده و نهزان پالدهنه هندێ كو داعش و گرۆپێن توندرهو ب هێز بكهن ههتا كو كار گههشتیه وێ رادێ چارهنڤیسێ وى خهلكى ب وان گرۆپێن هوڤ ڤه بهێتهگرێدان و راستیا ڤێ بۆ وان سهروبهرێ پشتى گهۆرینا دهستههلات و دكتاتۆریهتا سهدام و بهعسیا دزڤریت، ژبهركو ئهو ناكۆكیێن مێژوویى هاتینه پێش سهبارهت وان كێشێن نهتهوى و مهزههبى و ڤێ ململانێ گهرم كر و ژبهرڤێ یهكێ كارتێكرنا خوه ل سهر گهۆرینا ڤێ رهوشێ ل عیراقێ هاتیه پێش كرن، لهوا ههر زوو دژایهتى پهیدا بوو و ڤێ دوبهركیێ زهمینه خۆش كر كو ئهڤ گرۆپێن رادیكال ب ئاسانى جهێ خوه ل عیراقێ بگرن و ئهڤه ژى كره بهانا وێ یهكێ دێ بهرهڤانیێ ژ خواست و كهلتورێ سونیان هێتهكرن، بهلێ ئهڤ بیروكه ل سهر دهستێن هندهك كهسێن دوژمنێن عیراقى هاته د گۆرهپانێ دا و بهروۆڤاژى دانه دروستكرن، داكو ئهو پێكڤهژیان و بهلانسا ههى ل عیراقێ تێك بدهن و ئهڤ خهلكێ هه بهرهف بیركرنێن تیرۆرى ڤه برن چ ل بن ناڤێ داگیركرنا عیراقێ ژلایێ هێزێن نیڤدهولهتى ڤه و چ ل سهر وان ناكۆكیێن تائیفى، لهوا كۆمهكا ئهو بیروكێن جودا جودا ل سهر وان هوڤێن دوورى مرۆڤایهتیێ هاتنه بهلاڤكرن و ل سهر وان بیروكان هاتنه پهروهردهكرن و پهیدا بوون و ب تایبهتى ل سهر وى كراسێ موسلمانیهتێ دروست رێ بۆ خهلكهكێ ڤهوهژارت كو ل سهر ڤێ چهندێ ههر لایهكێ خوه كره وێرس و ئالاههلگرێ پهیاما ئیسلاما پیرۆز لهورا خهلكهك وهسا هاته تێگههاندن بۆ ڤێ رێكێ كوشتن و سهربرین كارهكێ دروست و حهلاله، ژلایهكى دی ڤه ههر ئالیهكى لایێ بهرامبهرى خوه گونههبار و ژ رێ دهركهتیێ ئیسلامێ دایه زانین، لهوا ئهو باوهرى ل عیراقێ نهما و ژبهر هندێ ئهڤ گرۆپێن ههنێ رۆژ بۆ رۆژێ زێدهبوون و هندهك ناڤ ل خوه كرن ئێدى نههاتنه ژمارتن و ژبهر هندێ ئهو موسلمانیهتا دروست ل بهر خهلكهكى بهرزه بوو و بێگومان ڤێ بازرگانیا ب وێ موسلمانیهتا پهردهكرى هاتیه كرن ئهكید دیتن و سهرهدهریێن وان كار گههانده وى رادهى مسلمانیهتا پیرۆز لهكهدار بكهن و ل پێش چاڤێ خهلكهكێ نهموسلمان كێم بكهن بۆ هندێ ئهڤرۆ زۆربهیا وهلاتێن جیهانێ ژ موسلمانهتیێ برهڤن، چونكه ڤان گرۆپێن تیرۆرى وهسا موسلمانهتى نیشا دایه كو خوین رشتن و دوژمناهیا مرۆڤایه، لهورا ئهڤرۆ ل سهر ئاستێ نیڤدهولهتى ئهو تێكهلیا جاران دگهل موسلمانا ناكهن و ههلبهت ئێدى كهسێن موسلمان ب ئاوایهكێ سروشتى ناهێته دیتن و دیاره ئهڤرۆ موسلمانیهتێ ب مهترس ڤه ل سهر خوه دبینن، لهورا ئهڤه جهێ پرسیارێ یه وهكو مه ل سهرى ئاماژه پێ كرى ئهوێن سهركێش و رێبهریا ڤان گرۆپێن تیرۆرى دكهن وهكو رێكخراوا قاعیده ئهوا كو (ئوسامه بن لادن) دامهزرێنهر و سهركێشیا وێ دكر و نوكه ئالاههلگرێ وێ بوویه (أیمن زاوهرى) و پاشى داعش كو (ئهبو بهكر بهغدادى) بوویه رێبهر و ئهمیرێ دهولهتا ئیسلامێ و ههروهسا بهرهى نوسره كو (محهمهد چولانى) سهرۆكاتیا وێ دكهت و گهلهك بزاڤێن دى ژبهر هندێ ئهڤ بزاڤێن تیرۆرى كو ب ناڤێ موسلمانیهتێ بوونه رێگر د ئازادیا مرۆڤى دا ئیرۆ جیهان ژ ههمى لایهكى ڤه دوژمناهیا وان دكهت و مهرهم ژ ڤێ دیتنا جیهانى بهرامبهرى ڤێ نیشادانا موسلمانهتیێ هندى وێڤه دچیت رهنگه بهایێ موسلمانهتیێ ل دهڤ خهلكهكى كێم دبیت و بێگومان دیاره خهلكهك مهترسیا خوه ژێ دبینن.
