جڤاتا نوونه‌ران دێ لێپرسينێ ل گه‌ل پێنج به‌رپرسێن دى كه‌ت
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ راگه‌هاند كو ل وه‌رزێ نوويێ جڤاتا نوونه‌ران دا، دێ لێپرسينێ ل گه‌ل پێنج كه‌سێن دى ژى كه‌ن كو چار ژ وان وه‌زيرن.
عه‌بدولهادى خه‌يرۆلا، ئه‌ندامێ جڤاتا نوونه‌ران ل سه‌ر فراكسيۆنا هه‌ڤپه‌يمانيا نشتيمانى، د داخۆيانيه‌كێ دا راگه‌هاند كو د وه‌زرێ نوويێ جڤاتا نوونه‌ران دا ئه‌و دێ لێپرسينێ ل گه‌ل پێنج به‌رپرسان كه‌ن و ژ وان ژى وه‌زيرێن په‌روه‌رده، چاندن، ساخله‌مى، ژ ده‌رڤه و سه‌رۆكێ كۆمسيۆنا بلندا سه‌ربه‌خوه يا هه‌لبژارتنان ل عيراقێ ب تۆمه‌تا هه‌بوونا هنده‌ك به‌لگه‌يان ل سه‌ر وان.
خه‌يرۆلا ئاماژه ب وێ چه‌ندێ ژى كر كو سه‌ليم جبۆرى وه‌كو سه‌رۆكێ جڤاتا نوونه‌ران دێ ژڤانێ گازيكرنا ڤان كه‌سان ب گۆره‌ى خشته‌يه‌كێ دياركرى راگه‌هينيت.