ل تاخێ ره‌شيديه‌ شه‌ره‌كێ دژوار يێ دهێته‌ كرن

ئه‌ڤرۆ نيوز:

هێزێن عيراقى هێرشه‌ك بۆ كونترۆلكرنا تاخێ ره‌شيديه‌ ل مووسل ئه‌نجام دا و نوكه‌ يێن چووينه‌ ناڤ تاخێ ناڤبرى و شه‌ره‌كێ دژوار يێ د ناڤبه‌را سۆپايێ عيراقێ و چه‌كدارێن داعش دا دهێته‌ كرن.

فه‌رمانده‌كێ له‌شكرێ عيراقێ بۆ ده‌زگه‌هێن ميديايى راگه‌هاند كو ئه‌و يێ ژ ده‌رڤه‌يى تاخێ ره‌شيديه‌ و هه‌موو شيانێن خوه‌ خستينه‌ گه‌ر دا كو داعش ل ناڤ وى تاخى ده‌ربێخن و ب ته‌مامى كونترۆل بكه‌ن.

ئه‌ڤه‌ ژى د ده‌مه‌كى دايه‌ كو هێزێن عيراقى د ماوێ 12 ده‌مژمێران دا ئه‌و تاخ كونترۆل كربوو، به‌لێ د هێرشه‌كا هه‌ڤدژ دا داعش چوونه‌ ناڤ وێ گه‌ره‌كێ و له‌شكرێ عيراقێ ژێ ده‌رێخست.

ئه‌و فه‌رماندێ له‌شكرێ عيراقێ ئاماژێ ب وێ چه‌ندێ ژى دكه‌ت كو ئه‌و دێ د ده‌مه‌كێ نێزيك دا وى تاخى ڤه‌گه‌رينن و ژ ده‌ستێن چه‌كدارێن داعش ده‌رێخن.

کۆمێنتا تە