په‌رله‌مانتار دێ كێشا بهايێ په‌ترۆلێ ژى ئه‌ڤرۆ گه‌نگه‌شه كه‌ت
ئه‌ڤرۆ نيوز، نيوار محه‌مه‌د سه‌ليم:
په‌رله‌مانتاره‌كێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو لژنا دارايى و سامانێن سروشتى ل سه‌ر ره‌وشا نه‌فت و گازێ ل په‌رله‌مانێ كوردستانێ چه‌ند پێشنيازه‌ك داينه لژنا نه‌فت و گازێ ل حوكمه‌تا هه‌رێما كوردسانێ و په‌رله‌مانتار دێ به‌حس ل بابه‌تێ گرانيا بهايێ په‌ترۆلێ ژى كه‌ت.
به‌يار دۆسكى، ئه‌ندامێ په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “ئه‌ڤرۆ 10\11\2014 كۆمبوونا په‌رله‌مانێ كوردستانێ ب ئاماده‌بوونا ئه‌ندامێن لژنا نه‌فت و گازێ ل حوكمه‌تا هه‌رێما كوردستانێ كۆمبوون و لژنا دارايى و سامانێن سرۆشتى ژى چه‌ند راسپارده‌ك دانه ده‌ست لژنێ”.
زێده‌تر گۆت: “د ناڤا ڤێ روونشتنێ ژى دا، چار ئه‌ندام په‌رله‌مان ژ ئه‌گه‌رێ نه‌رازيبوونێ ژ كۆمبوونا په‌رله‌مانى ده‌ركه‌فتن كو يێن فراكسيۆنێن گۆڕان و ئێكه‌تى نشتيمانى كوردستان بوون”.
به‌يار دۆسكى ئاماژه ب وێ چه‌ندێ ژى كر كو د ماوێ بهێت دا، دێ ئه‌ندامێن په‌رله‌مانى چه‌ند پرسيار و پێشنيازان ژ ئاماده‌بوويان كه‌ن و دبيت ژ ناڤا وان پرسيار و راسپارادان هنده‌ك گرێدايى بهايێ په‌ترۆلێ ژى بن ل هه‌رێما كوردستانێ”.
