سەرا بریندارکرنا پێشمەرگەیەکێ ، سەربازەکێ ھولەندی ب سێ سال ھاتە سزادان
ئەڤرو نیوز :
دادگەھا سەربازی یا وەلاتێ ھولەندا سەربازەکێ خوە ب سێ سال زیندان و کوژمێ ١٩ ھزار یوریان سەرا بریندارکرنا پێشمەرگەیەکێ ل دەما مەشق و راھێنانان سزادا.
دادگەھا ھولەندا ئاماژە ب ژیی و ناڤێ ئەوی سەربازی دکە تکو ئەو ژی بناڤێ Freedo Vو ژیێ وی ٢٩ سالن و ل سالا ٢٠١٥ کو مەشق و راھێنان ب ھێزێن پێشمەرگەی ل ھەولێرێ دکر و ل دەما راھێنانان دا گولەیەک ل ب شاشی ڤە د دەستێ ئەوی سەربازی دا دەردکەڤیت و ب پێشمەرگەیەکێ دکەڤیت و بریندار دبیت.
ل گورەی قانونا سەربازی یا ھولەندی نابیت چوو راھێنەرێن سەربازی ل دەما ئەنجامدانا مەشق و راھێنانێ گولەیان ب تەقینن.
