ئاڕێشەیا كـێمییا خانیێن كـرێ ل بەردەڕەشێ سەرهلدایە
رەمەزان زەكەریا:
ل دەڤەرداریا بەردەڕەشێ ئاڕێشەیا كێمیا خانیێن كرێ و جهێن ئاكنجیبوونێ سەرهلدایە.
فەرهاد گوران، خودانێ ئێك ژ نڤیسنگەهێن كڕین و فرۆتن و ب كرێدانا خانییان گۆت: «لیست ل بەر دەستێ مە نە، ڕۆژانە هەتا 15 داخوازیان هەنە بۆ كرێگرتنا خانییان و گەلەك ب كێمی ل ناڤ بەردەڕەشێ ب دەست دكەڤن».
ناڤبری گۆت ژی: «ئەگەرێ سەرەكیێ كێمیا خانیێن كرێ بۆ بەرفرەهبوونا بەردەڕەشێ و گۆڕانكاریێن شێوازێ ژیانا جڤاكی ڤەدگەڕن، وەكو جۆدابوونا مالێن مەزن و پەیدابوونا خێزانێن نوو».
فەرهاد زێدەتر گۆت: «داخوازی بۆ كڕینێ دكێمن، بەلێ بۆ كرێیا گەلەك د زۆرن، سێ یەكەیێن ئاكنجیبوونێ ل دەڤەرا بەردەڕەشێ هەنە و خواستەكا زۆر ل سەر هەیە ژلایێ كرێچیان ڤە».
ل گۆر ئامارێن فەرمانگەها خانووبەران ل بەردەڕەشێ، هەتا نوكە پتر ژ هزار و 500 جهـ هاتینە ب كرێدان، ئەگەر پارچەیێن ئەردی بهێنە بەلاڤكرن دێ ئاڕێشەیا كێمیا خانییان هەتا رادەیەكێ باش چارەسەربیت.
