وەزارەتا كـار دێ رێكارێن دەستەبەرا جڤاكـی بۆ رۆژنامەڤانان ڕاگەهینیت
وەزیرا كار و كاروبارێن جڤاكی راگەهاند، كار ل سەر رێكارێن دەستەبەركرنا ماف و دەستەبەرا جڤاكی یا رۆژنامەڤانان هاتیە كرن و د كۆمبوونا بهێت یا جڤاتا كارگێڕی دا میكانیزما پێگیركرنا دەزگەهێن ڕاگەهاندنێ و چاوانیا هەژمارتنا سالێن خزمەتێ دێ هاتە ڕاگەهاندن.
كوێستان مەحەمەد، وەزیرا كار و كاروبارێن جڤاكی ل حوكمەتا هەرێما كوردستانێ گۆت: «ئەو رۆژنامەڤانێن فەرمانبەرێن حوكمەتێ نە، دەستەبەرا جڤاكی وان ڤەناگڕیت، ژ بەر كو لێبڕینا خانەنشینیێ هەیە، د نوكە دا ب رێكا جڤاتەكا كارگێڕی ب سەرۆكاتییا بریكارێ وەزیر و ب ئەندامەتییا رێڤەبەرێن گشتی بڕیار هاتیە دان، دەزگەهێن ڕاگەهاندنێ بهێنە پێگیكرن ب دەستەبەركرنا كارمەند و رۆژنامەڤانێن خۆ و ئەو رۆژنامەڤانێن چەندین سالە ل دەزگەهان كار دكەن و هەتا نوكە نەهاتینە دەستەبەركرن، د چارچووڤەیێ رێكارێن نوو دا دێ ئەڤ پڕسە ئێكلا بیت».
